Lurraren Altxamenduak sarearen desegitea deuseztatzea erabaki du Frantziako Estatu Kontseiluak. Mugimendu horrek "ondasunen aurkako indarkeria" probokatzen duela berretsi arren, ilegalizazioa ez litzateke "neurri egokia, beharrezkoa eta egokitua". Berri ona da dozenaka elkarte batzen dituen herri dinamika ekologista horretako militanteentzat. Berri ona da, oro har, ekologismoarentzat, klimaren erronkak eskatzen duen erradikaltasunaren eta herri-babesaren elkarketarako bidea asmatu duelako dinamika berritzaile horrek. Agroindustriaren kontrako borroka "ekoterrorismotzat" joa den honetan, berri ona da Amalurrarentzat eta bere alde dabiltzan laborarientzat. Berri ona da Sainte-Soline herrian uraska handien aurka elkarturikoentzat, Poliziaren errepresio bortitzaren ondotik (gerrako armen erabilpena, bi aktibista koman, 200 kolpatu, dozenaka traumatizatu...), borroka horren zilegitasunaren berrespena delako, nonbait.
Berri ona da ere 2024ko martxoaren 12an epaituko dituzten Ostia kolektiboko lau militanteentzat. Estatu Kontseiluaren ebazpena jakin baino bi egun lehenago atxilotu zituzten Ipar Euskal Herriko militantzian aspaldiko ezagunak diren lau lapurtarrak. Etxebizitzaren arloan dabilen Bouygues enpresaren Angeluko bulegoak "hondatzea" leporatua zaie. Marienea ez hunki lelopean, hogei bat lagun sartu ziren Angeluko egoitzara iazko abenduan, lurrez eta lastoz betetako zego batzuekin eta Kanboko Marieneko lurretan enpresak duen eraikuntza proiektuaren maketa lurrez estali zuten. Horregatik epaituko dituzte. Berez arrisku handirik ez, baina, ezin jakin ikusirik Frantziako Gobernuak sustaturiko giro errepresiboa. Espekulazioaren aurka eta lurraren defentsan dabilen eragilea da Ostia, 2021eko Arbonako lurren okupazioan osaturikoa. Orduz geroztik, hor jarraitzen du, dela Senperen, dela Kanbon, behar-orduan legediaren babespean bideraturiko espekulazioaren logika salatzen. Ostia Lurraren Altxamenduak sarearen parte izanik, berri ona da Estatu Kontseiluaren ebazpena. Herritarren babesa duen ekintza izanda ere, ekintza sinbolikoa izanik ere, lurraren arazoak eta elikadura burujabetzaren beharrak zilegituriko ekintza izanik ere, "ekoterrorismoari" lotzeko argudio ezinhobea izanen zutelako Bouyguesen abokatuak eta prokuradoreak.
Lurraren aldeko mugimenduak pilpilean dira munduan: borroka moldez eta helburuz anitzak dira, eta Ipar Euskal Herrian indar handia hartu dute, besteak beste, laborantza lurren salerosketa espekulatiboak geldiarazteko laborariek zein hiritarrek batera burutu dituzten okupazioek... [+]
Gérard Darmanin Frantziako Barne Ministroak martxoan plazaratu zuen mugimendu ekologista erradikala ilegalizatzeko prozedura, eta poliziaren “indarkeria basatia estaltzeko asmoz” hartutako erabakia izan zen mugimenduarentzat. Ostegunean, Frantziako Estatu... [+]
Asteartean Frantziako Gobernuak lurraren defentsaren aldeko kolektiboa desegitea erabaki du, eta horren aurka Baionako hainbat lagun mobilizatu dira “oinarrizko askatasunen eta demokraziaren kontrako eraso larria” salatzeko.
"Lafarge eta bere konplizeak [hormigoiaren sektorea] haien baitarik ez dira geldituko, geldituko dira horretara behartuz gero", zioen Lurraren Altxamenduak sareak iazko abenduan egindako ekintza azaltzeko orduan. Mundu mailako lehen hormigoi eta zementu ekoizlea da... [+]
Duela astebete hamabost ekintzaile ekologista atxilotu zituen Poliziak, Frantziako zuzendaritzaorde antiterroristaren aginduz. Horietarik bi euskal herritarrak ziren, baiones bat eta hendaiar bat, biak Tolosan bizi direnak.