Arbonako etxea berriro ere saltzekotan dira
SAFER laborantza lurrak kudeatzeko egiturak egindako eroste proposamenari uko egin ondoren, hiru milioi eurotan erosteko proposamena egin du Parisko bikote batek.
Arbonan okupatu zuten etxea berriz ere saltzekotan dago, Berriak infomatu duenez. Notarioak salmenta agintza igorri dio SAFER laborantza lurrak kudeatzeko egiturari. Aurreko urteko egoera berdinera itzuli direla adierazi du Isabelle Capdeville Lurzaindia elkarteko kideak. Parisko bikoteak etxea, bazterreko bi bastiza eta inguruko lau hektarea lur erosteko proposamena egin duela azaldu du kideak, eta tartean laborantza lurrak daudela.
Aurreko urtean, 3,15 milioi euroko erosketa ekiditea lortu zuten, edifizioa 79 egunez okupatu ondoren. 100.000 eurotan estimatuak daude lurrak eta orain ere hiru milioi eurotara saldu nahi ditu jabea den eta Suitzan bizi den Yves Borotra-k.
Capdevillek zehaztu duenez, hiru aste dituzte salmenta oztopatzeko eta ziurtatu du datozen egunetan ikusiko dutela zer egin. Gainera, SAFER-ek, lehentasunezko erosketa partziala egin dezake laborantza lurrak erosteko.
40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]
Arbonako eskola publiko berria, hondakindegi zahar baten gainean eraikitzen ari dela salatu du herriko etxeko oposizioko taldeak. Azaldu dutenez, herriko etxeak "ez du lurzoru hori garbitzeko neholako lanik agindu, ikasleen osagarria lanjerrean ezarriz".
ELB sindikatuak eta Lurzaindiak elkarteak ahoz jaso dute ezetzaren berri, eta idatziz iritsi zain daude. Beste laborari batek gainontzeko hamabi hektareak erosi ditu, baina "azpijokoetan" ibili izana leporatu diote eragileek. Auzitara joko dute.
Miguel Harriague notarioaren bulegoan sartu dira ostegun honetan ELB sindikatuko eta Lurzaindiako ordezkariak eta afixak paratu dituzte Yves Borotra jabeak 12 hektarea saldu dituela-eta espekulazioa salatzeko.