Arbonako lurren espekulazioa salatzeko, notarioaren bulegora sartu dira ELB eta Lurzaindiako kideak

  • Miguel Harriague notarioaren bulegoan sartu dira ostegun honetan ELB sindikatuko eta Lurzaindiako ordezkariak eta afixak paratu dituzte Yves Borotra jabeak 12 hektarea saldu dituela-eta espekulazioa salatzeko.

Miguel Harrigue notarioaren bulegoan sartu dira sindikalista eta ekintzaileak (argazkia: ELB)

2022ko irailaren 29an - 17:10

ELB eta Lurzaindiako hainbat kide, Arbonako Berroeta bidean dauden lurren salmenta kudeatzen duen notarioaren bulegoan sartu dira ostegun honetan, salatzeko Borotra familiak 12 hektarea lur saldu dituela eta salmenta egin den moduan Safer egiturak ezin duela esku hartu.

Espekulazioarekin amaitzeko eta notaritza horretan "kontratu bereziak" eta "azpijokoa" egiten direla salatzeko afixak paratu dituzte bulego barruan. Notarioari berari ere azaldu dizkiote euren aldarrikapenak.

Lurzaindiaren eskariari erantzunez, Safer egiturak erabakia hartu du Arbonako lur horiek laborantzako preziotan lehentasunez erosteko, eta Borotra familiak hilabeteko epea du proposamenaren inguruan hautatzeko. Baina orain jakin denez, familiak 12 hektarea lur saldu berri ditu Miguel Harrigue notarioaren bidez, 200.000 eurotan, operazioan Saferrek ezer egin ezin duelarik.

Hemen bulegoa okupaturik duten unea:

Arbonako lur horien salmenta oztopotzeko mobilizazio handiak egin ziren iaz, eta lurrak ere okupatu ziren, baina "saltzaileak jarraitzen du horiek saldu nahian prezio eskuraezinean, notarioaren konplizitatearekin", azaldu du ELBk Twitterrez.


Kanal honetatik interesatuko zaizu: Lurraren espekulazioa
2024-05-28 | Euskal Irratiak
Kanboko Marieniako eraikuntza proiektua gaitzetsi dute larunbatean

Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.


2024-04-11 | Estitxu Eizagirre
Otxantegi Herri Lurraren II. urteurren jaia
"Otxantegiko lur emankorrak ezin dira porlan azpian geratu, arnasgunea izan behar dute"

Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]


2023-11-21 | ARGIA
Otxantegi Herri Lurrak erresistentzia gosaria deitu du ostegunerako

Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]


Eguneraketa berriak daude