Arbonako lurren jabeari eroste proposamen bat eginen dio lurren kudeaketaren ardura duen SAFERak
Arbonan 3,15 milioi eurotan salgai diren lur eta etxeei buruzko auzian aterabide bat atzemateko asmoz burutu dute bilkura Lurzaindia, Euskal Hirigune Elkargoa eta lurraren kudeaketaren ardura duten SAFER eta EPFL egituren artean. Prezio espekulatzaile horretan ez erosteko hautua egin badute ere, saltzailearekin harremanetan jarriko dira, bi aldeen artean adosturiko prezio batean erosteko aukera lantzeko.
Bilera garrantzitsua burutu zuten atzo, irailaren 29an, Lurzaindia, Euskal Hirigune Elkargoa eta lurraren kudeaketaren ardura duten SAFER eta EPFL egituren artean. Arbonan 3,15 milioi eurotan salgai diren lur eta etxeen afera zuten aipagai, auzi honi aterabide bat atzemateko helburuarekin.
Lurrak prezio horretan ez erosteko erabakia aho batez hartu dute, espekulazioaren jokoan ez dutelako sartu nahi. Hala ere, saltzailearekin harremanetan sartuko da SAFER egitura, EPFL egiturarekin elkarlanean, eroste proposamen bat egiteko eta saleroste bat adosteko asmoz.
Irailaren 9an jakitera eman zuten erosleak azkenean ez zituela erosiko lurrak eta etxeak. Hala ere, okupazioak segitzen du salmenta espekulatiboa behin betikoz geldiarazteko xedez. Okupazioa urriaren 24an bukatuko da, Lurrama nekazaritza iraunkor eta herrikoiaren aldeko hitzordua bertan ospatuz.
Okupazioak ehun egun asteburuan
Asteburu honetan beteko ditu ehun egun okupazioak. ELB eta Lurzaindiarekin batera okupazioa biziarazten dabilen Bost kolektiboak hitzordua jarri du Baionako Lauga gelaren aitzinean, larunbatean 11:00tan, Euskal Hirigune Elkargoaren biltzarraren kari.
Arratsaldearekin, zuhaitzak landatuko dituzte lur okupatuetan, borroka honen helburuari segi, lurrak hazkurri emaile izaten segitzeko gisan. Biharamunean hainbat formakuntza eta solasaldi dituzte finkaturik Arbonan. ELB eta Lurzaindia elkarteak ere bat egin dute hitzordu hauekin.
Laborantza lurrei buruzko politika sendo bat lortzeko bidea irekirik
Bigarren aldarrikapen bat esku artean hasi zuten okupazioa ekainaren 23an: Zuberoa, Nafarroa Beherea eta Lapurdiko laborantza lurrei buruzko politika bat abiaraztea galdetzen diote Euskal Hirigune Elkargoari. Neurri eta erabaki politikorik gabe, ezinezkoa zaielako lurren desagerpena geldiaraztea.
Bi egunen buruan okupaziora jin ziren Jean-Rene Etxegarai elkargoko presidentea eta Isabelle Pargade laborantzaren ardura duen presidenteordea. Haien sostengua erakusteaz gain, udazkenean lanketa abiarazteko engaiamendua hartu zuten. Horri dagokionez, urriaren 13an jakinen dute zehazki noiz eginen diren topaketak.
Arazoari aurre egiteko, beharrezkotzat daukate legediaren aldaketa ELB eta Lurzaindiak, eta hori helburu jarririk, harremanetan dira parlamentariekin –Frantziako Parlamentuan laborantza lurrei buruzko lege-proposamenaren ardura duen Jean-Bernard Sempastous diputatuarekin ere bildu ziren uztailaren 2an Arbonan–. Hor ere, SAFER egiturak duen erosteko lehentasun partzialari buruzko emendakinaren idazketa aitzina doa –hain zuzen, hobetu beharra dago legea, orain arte ez duelako osoki bermatzen laborantza lurra nekazaritzara bideratzeko bidea–.
Maiatzaren 17an bertaratu eta barazkiak landatzeko hitzordua jarri diete herritarrei. Karia horretara egun osoko egitaraua osatu dute, Marieneako lurrak laborantzarako atxikiak izatearen alde.
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
203 diputatu alde eta hiru aurka agertu dira martxoaren 11 gauean egin bozketan. Higiezinen agentziak haserre agertu dira, eta bi salaketa aurkeztu ditu FAIN Frantziako Higiezinen Federazio Nazionalak Europako Batzordean. Bata, lege-proposamenari esker botere gehiago jasoko... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Kanboko bi hautetsi nagusiak (auzapeza eta lehen axuanta) errabiatuak dira. Hiru herritarren kontra plainta ekarri dute, Marieneako pentzearen alde protestatzeagatik. Bigarren aldia da enetzat, goizeko 06:00etan, ohetik ateratzen gaituztela (bizilagunarekin), hamar bat... [+]
Apirilean Kanboko Herriko Etxean sartu eta han egindako protestekin lotuta hiru lapurtar atxilotu ditu asteazkenean Frantziako Poliziak. Aske geratu badira ere, otsailean epaituko dituzte. Herriko Etxearen babesarekin, Bouygues enpresak duen etxebizitza eraikuntza... [+]
Filipe Laskarai eta Benjamin Charron atxilotu dituzte jendarmeek asteazken goizean, apirilean Kanboko Herriko Etxean sartu eta han egindako protestekin lotuta. Marieniako lurrekin ez espekulatzea eskatu zuten laborari eta ekintzaileek ekintza hartan.
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Asteartean, goizeko lehen orduetan, gutxienez lau pertsona atxilo hartu ditu Frantziako Poliziak. Operazioak Baionan, Itsasun eta Angelun egin dira, eta Baionako polizia-etxean daude atxilotuak. Euskal Irratiek jakitera eman dutenez, 2022ko abenduan Angelun eginiko ekintza baten... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]