Aranzadik 1936ko Gerra Zibileko soldadu baten gorpuzkiak deshobiratu ditu Legution
Aranzadi Zientzia Elkarteko teknikariek atera dituzte gorpuzkiak, Paco Etxeberria antropologo forentseak zuzenduta. Albertia mendian aurkitu zituzten pasa den urtean eta, dirudienez, euskal gudari batenak dira.
1936ko azaroaren 30ean euskal armadak Gasteizko hiria berreskuratzeko ofentsiba egin zuen, Villarealeko batailari hasiera eman ziona. Borrokaldiak ia hilabete iraun zuen eta mila hildako inguru eragin zituen. Legution aurkitutako gorpuzkiak Villareal frontea osatzen zuten gudarietako batenak dira. Ustekabean aurkitu zituzten pasa den urteko martxoan, Albertia mendiaren igoeran.
Urtea hasi zenetik egin duten hirugarren deshobiratzea da; lehena Txaldatxur mendian egin zuten eta bigarrena Urkullu mendian. 2015eko amaieran hilobiak ikertu eta aurkitzeko 2015-2020 Euskal Plana aurkeztu zuen Eusko Jaurlaritzak.
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
Andatza mendia memoria leku bihurtu zuen Usurbil 1936 elkarteak apirilaren 13ko birsortze historikoan. Herritarren lan boluntarioarekin berreskuraturiko lubakiak antzezleku bihurtu ziren egun batez. Gerraren eraginez Usurbilen jazotakoak elkarbanatzeko enegarren ekimena izan da.
87 urte bete dira ostiral honetan, 1937ko apirilaren 26an abiazio faxistak Gernika bonbardatu eta sarraskitu zuenetik. Urtero legez ekitaldi andana antolatu dute erakunde eta eragile sozialek. Tartean, pasealekuan eta Astra fabrikan dauden sirenak martxan jartzea.
Ángel Salas Larrazabal militar frankista urduñarrak gidatzen zuen hegazkinak bonbak bota zituen Otxandioko Andikona plazan zibilen aurka, 1936ko uztailaren 22an. Gutxienez 61 herritar hil ziren. Frankismoan hainbat kargu militar eta politiko izan zituen, eta 1991n... [+]