Arabiar Emirerri Batuetan dago Juan Carlos I.a
Abuztuaren 3an Espainiatik ihes egin zuenetik, bere kokalekuaren inguruan hainbat espekulazio igorri da. Azkenik Errege Etxetik jakinarazi dute errege emerituaren helmuga.
Errege Etxeak aditzera eman duenez, Juan Carlos I.a abuztuaren 3an Arabiar Emirerri Batuetara joan zen, eta egun bertan dirau. Errege emerituak berak jakinarazi omen dio Espainiako Errege Etxeari bere kokapena.
Errege emerituak Espainiatik kanpo bizitzeko erabakia argitara atera zuenetik, ez da azalpen ofizial bat bera ere eman haren kokalekuaz. Besterik gabe, Errege Etxeak jakinarazi zuen ez zuela bidaiari buruzko xehetasunik emango, “errege emerituaren erabaki pertsonala” omen zelako. Espainiako Gobernuak ere erabateko isiltasuna mantendu du gaiaren inguruan. Dena den, Espainiako komunikabideetan Dominikar Errepublikara joan zela hartu zen hipotesi nagusitzat, antza denez, filtrazio faltsuetan oinarrituta.
Suitzako eta Espainiako fiskaltzek ustelkeria leporatzen diote borboitarrari, paradisu fiskaletan izan zitzakeen funtsengatik. Suitzako fiskaltzak kontu guztiak enbargatu zizkion, eta sekretupeko auzi bat abiarazi zuen, non diru zuritzea egoizten zitzaion. Hala ere, une honetan Espainiako errege emeritua ez dago ikerketapean.
Zabalik dagoen ikerketa bakarrak errege emerituak abdikatu ostean deliturik egin ote duen ebaztea du helburu. Espainiako Auzitegi Gorenari dagokio ikerketa hori aurrera eramatea, baina orain arte agertu duen jarreraren arabera, ez dirudi Gorenak horretarako determinazio handia duenik.
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.
Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.
Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]
Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]