Arabako poesia jaialdiak 60 ekitaldi baino gehiago eskainiko ditu maiatzean
Poetak Maiatzean jaialdiaren bosgarren edizioa maiatzaren 2tik 27ra bitartean izango da Arabako zenbait herritan.
Maiatzean poesia izango da nagusi Arabako zenbait herritan. Maiatzaren 2an hasiko da Nazioarteko Poesia Jaialdiaren bosgarren edizioa, eta 60 poesia-ekitalditik gora eskainiko ditu Araban, besteak beste, Gasteizen, Oionen, Burgelun eta Gopegin. Maiatzaren 27ra bitartean luzatuko den egitarauak 60 jarduera baino gehiago eskainiko ditu, eta poesia pertsona orori hurbiltzea izango du helburu.
Jaialdiari hasiera emateko, Poesía enredada en la escultura del Caminante ekitaldia aurkeztuko dute hilaren 2an, Gasteizko Arka plazan. Hurrengo egunean, Vital Fundazioa Aretoan Vital Poesia lehiaketaren sari-banaketa ekitaldia izango da.
Lauaxetari omenaldia
Maiatzaren 5ean, esaterako, Lauaxetari omenaldia eskainiko dio jaialdiak, Karmengo komentuko klaustroan, atxilotua egon zen leku berean, hain zuzen ere. Bertaratzen direnek haren bizitza eta olerkiak Bernardo Atxaga, Xabier Galarraga, Pako Eizagirre, Zuriñe Iarritu, Jon Kortabarria, Jose Ramon Arbe eta Elisa Ruedaren ahotsetan entzuteko aukera izango dute. Maiatzaren 10ean, berriz, Antton Valverdek Lauaxeta gogoan kontzertua eskainiko du Oihaneder Euskararen Etxean.
Arabako zenbait herritan
Horrez gain, beste hainbat jarduera osagarri ditu egitarauak, esaterako, deklamazioak, mahai-inguruak, editore eta idazleen nahiz egile eta irakurleen arteko topaketak, umeentzako poema antzeztuen errezitaldiak, ibilbide poetikoak hiriko kaleetatik edo poesia tranbian, besteak beste. Ekimenak egongo dira saltokietan, ostalaritza lokaletan, hainbat liburu-dendatan, Goiuri Jauregian, Oihaneder Euskararen Etxean, Erdi Aroko Hiriguneko Enpresa Zentroan, EHUko Letretako Fakultatean, Ignacio Aldecoa Kultura Etxean, Andre Maria Katedralean, Karmeldarren Komentuan, Brigidas baratzean, San Martin baselizan, Farolen Museoan, Ramón Bajo ikastetxean, Escoriaza-Esquibel Jauregian, Artium museoan, Europa Biltzar Jauregian, harresian eta Felix Petite Antzokian.
Hiritik kanpo hainbat tokitan gozatuko dute poesia, hala nola, Gopegi, Gesaltza Añana, Guardia, Araia, Oion, Amurrio, Maeztu eta Burgelu herrietan eta Arabako Parke Teknologikoan.
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra
Balea Zuria argitaletxeak kaleratuko du, ekainean, Arrutiren estreinako literatur lana: Arkeologia haragitan.
Yolanda Castañori Espainiako poesia sari nazionala jaso zuenez geroztik hamaika elkarrizketa egin dizkiote. Horietako baten lerroburua deigarria egin zitzaidan, esaten baitzuen saria irabaztea izan dela egin duen bigarren gauzarik zailena. Eta berehala hasi nintzen... [+]
Mendian, autoz kaletik orduerdira bizi den emakume artzain euskaldun-galegoaren eguneroko bizitzan nola eragiten dute gaurko munduan pil-pilean dauden gaiek? Klima larrialdia, berdez pintatutako kapitalismoa, basogintza, migrazioa, prekaritatea, begano mugimendua, elikadura... [+]
1966an Andima Ibiñagabeitia Idoiaga handiak Unai eta Alor-kantak itzulpena argitaratu zuen (Bucolicon liber eta Georgicon libri), Virgilio (K.a. 70-19) latindar poeta ospetsuenetarikoaren idazlanak osorik bilduz. Izugarrizko saioa egin zuen itzultzaileak kultura klasikoa... [+]