Arabako Lautadan osasun zentroak ixten ari zaizkiela salatu dute
Arabako Lautadako biztanleek 1.614 sinadura aurkeztu dituzte Jaurlaritzan uztailaren 4an, Gotzone Sagardui Osasun sailburuari zuzenduta. Eskualdean mediku eta pediatra falta dagoela salatu dute eta ondorioz, zentro txikienetan itxaron zerrendak asko luzatzen direla, larrialdi zerbitzuak eteten direla eta kontsultak egun askotan itxita daudela.
Bertako biztanleek azaldu dutenez, Arabako Lautadak 4 osasun zentro ditu: Ozaeta, Araia, Alegria-Dulantzi eta Agurainen. Hauetatik, pediatria zerbitzuko langileak partekatzen dituzte Alegria-Dulantzi, Ozaeta eta Araiako zentroek. "Pediatra falta" salatu dute eta "bajak, oporrak eta abar ez direla betetzen" eta ondorioz, herritarrek Agurainera joan behar izaten dutela pediatrarengana.
Lehen mailako arreta falta Agurainen
Aguraingo osasun zentroan hiru mediku izatetik bakarra izatera pasa direla salatu dute: "Ondorioz, udalerri horretan ez da zerbitzu egokirik eskaintzen ari". Aguraingo "arreta falta" hori estaltzeko, gainerako zentroetako medikuek astean zenbait egunetan kontsulta emateari uzten diotela azaldu dute, Agurainen zerbitzua emateko. Ohartarazi dutenez, "horrek ondorio latzak dakarzkie Lautadako bizilagunei, hala nola herritarrei arretarik ez ematea, aurrez aurreko hitzorduak astebetera ematea, asteburuetan zentro txikienetan larrialdirik ez izatea...".
Arabako Lautadako biztanleek haserrea adierazi dute eta Jaurlaritzako Osasun sailari eskatu diote "osasun egoera tamalgarri hau berehala konpontzeko".
Twitterren @ekofeminista-k zabaldutako argazki honek erakusten du zenbat eta zenbat egunetan egongo den Aguraingo osasun zentroa itxita:
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eskualdeko ospitaleko zerbitzua ixtearen ondoren, ez dira Donostiako Ospitalean ere artatzen. Haurren larrialdietako arreta gabezia ere dirau. Lehen mailako arretako pediatria kolapsatuta dago eta ez dago haur-psikiatrarik.
Civio fundazioak salatu duenez, Osakidetzak darabilen AA sistema batek (Quantus Skin) kontratuan agindutakoa baino askoz efikazia gutxiago dauka. 1.6 milioi euroko inbertsioa da, larruazalaren melanoma minbiziak detektatzea du helburu, eta bere emaitzak eskatu zuen %85eko... [+]
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]