Greba Gasteizko hainbat gizarte-etxetan luzatzeaz gain, Maeztun, Kanpezun, Bernedon, Murgian eta Agurainen ere batu dira. Uztailaren 31ra arte jarraituko du grebak; eskatutakoa lortu ezean, greba abuztuan zehar luzatu daiteke.
Uztailaren 23an hasi zuten Arabako kirol jardueretako langileek greba. Langileen partetik, eskaera ezberdinak egin dizkiote patronalari, tartean, lekualdatzeak lan ordu bezala kontatzea, tenperaturaren arabera lan egiten duten langileei goardia ordaintzea edo Kontsumoaren Prezioen Indizearen igoera.
Greba hasi zen egunetik, Gamarra eta Mendizorrotzako igerilekuak itxita ikustea izan da ohikoena, baina badira itxita egon diren beste zenbait gune: Aldabe, Lakua, Judimendi eta San Andres gizarte etxeetako igerilekuak itxita egon dira eta Lakua, Astronomos, Abetxuku, Zaramaga eta Adurtzako frontoietako langileek ere bat egin dute grebarekin. Gainera, nahiz eta langileen kooperatiba baten menpe egon, Hegoalde eta Ariznabarrako eskalada-murruko begiraleek ere elkartasuna adierazi diete grebalariei, haiek ere itxiz. Grebak arrakasta handia izan du eta Udalak ezin izan ditu gutxieneko zerbitzu batzuk bermatu.
Baina grebak aurrera egin ahala, borroka Gasteiztik atera da, Arabako puntu ezberdinetara iritsiz; izan ere, herrialdeko langileak baldintza berdinetan daude. Maeztu, Kanpezu, Bernedo, Murgia eta Agurain herrietako langileak horren adibdie dira: greba hasi zenetik, greban dauden langileekin egon dira harremanetan, azkenean, grebarekin bat eginez.
Gasteizen, bitartean, mobilizazioek jarraitzen dute. Patronalak langileen eskaerak onartu ezean, greban jarraituko dute uztailaren 31ra arte gutxienez. Egun horretara iritsiz gero, baliteke greba abuztura luzatzea. Ordura arte, mobilizazioak egingo dituzte egunero langileek: 12:00etan ari dira biltzen Plaza Berrian.
Albiste hau Hala Bedik argitaratu du eta CC-by-sa lizentziari esker ekarri dugu ARGIAra
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.