Emakumeak borrokan

Araba Garoņarik Gabe, ibilbide luze baten amaiera

  • Urteetako borrokaren ondorioz, orain bai: behin betiko itxi dute Garoña. Erabakiaren ostean, Araba Garoñarik Gabe Plataformak amaitutzat eman du bere 15 urteko ibilbidea eta herritarren mobilizazioak goraipatu ditu, politikarien aurkako kritikekin batera. Irailaren 30ean, ospakizun festa egingo dute Gasteizen.

Hala Bedi @halabedi
2017ko irailaren 15a
Irailaren 30erako festa antolatu dute.

Amaitu da. Garoñaren ibilbidea bezala, zentral nuklearraren aurkako Araba Garoñarik Gabe Plataformak ere amaitutzat eman du bere bidea.  2002an jaio zen plataformak herritarren babesa eta bultzada nabarmendu ditu Gasteizen eskainitako prentsaurrekoan.

“Herritarren bultzadak medio pribatu eta publikoen iritzi kaltegarri askori egin die aurre”, esan dute. “Kazetariekin erlazio itzela izan dugu. Hedabideetako arduradun gehienekin, ez”, kritikatu dute. Hala ere, gogoratu dute, Garońaren itxiera herritar guztiok ordaindu beharko dugula, “Endesa eta Iberdrolaren mesede ekonomikoetarako”.

Balorazioa positiboa izan arren, kritikak izan dituzte Ińigo Urkullu, Javier Maroto edo Ramiro Gonzalentzat. Betiko itxi zutela iragarri zutenean, politikariek “pozez” jaso zuten albistea. “Oraindik, gure plataformarekin konpromiso asko bete gabe dituzte”. Gainera, EAJ alderdiko José Antonio Suso Araba Buru Batzarrarekin izan zuten elkarrizketa izan dute hizpide: “Garoña bere lehentasunetan non zegoen galdetu genion”. Susoren erantzuna, argia izan zen: “Negoziatzerako orduan, ez dago marra gorririk. Guretzako Garoña “G puntuan” dago. G letrarekin hasten da Garoña hitza”

Urteetako mobilizazioak

Urte askotan zehar, ohitura bihurtu dira Garoñaren aurkako mobilizazioak. Ikasturte amaieran batzuk, negu partean besteak… Baina Garoñaren aurkako mobillizazioak beti egon dira presente Araban. Eguzkia ikur izan dute manifestazioek Gasteiz erdialdea txiki utzi dute behin baino gehiagotan, kasu guztietan, aldarrikapen berdinarekin: garoña behin betiko itxi dezatela.

Gainera, gero eta anitzagoak bihurtu dira mobilizazio hauek urteek aurrera egin ahala: norbanakoen aniztasuna ez ezik, instituzioetako eta alderdi politikoetako dibertsitateak gora egin du. Horrek eragin du, besteak beste, alderdi politikoen konpromisoan. Otsailean, Garoña berriz irekitzea sorpresa izan zen arabarrontzat, baina berriz atera ziren kalera dinamika ezberdinak. 

Irailaren 30ean, festa

Palataformaren amaiera ospatzeko, irailaren 30ean ospakizun festa egingo dute Gasteizen. Araba Garoñarik Gabek ibilbidea amaitu duela ospatzeaz gain, Garoñaren behin betiko itxiera ospatuko dute horrela.

Kalejira eta bestelako ekimenak egongo dira Alde Zaharrean, bazkari herrikoi batekin amaitzeko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Garoņa  |  Araba  |  Gasteiz

Garoņa kanaletik interesatuko zaizu...
2018-11-22 | Arabako Alea
Zesio-137a aurkitu dute Garoņako bi estoldatan

Kutsadura horren jatorria duela 33 urtera arte kontrolik gabe egondako aireztapen batean egon zitekeela uste du CSNk.


2018-04-23 | Arabako Alea
Lau milioi euro, Garoņan biltegi nuklearra egiteko

Garoñako zentralaren hondakin erradioaktiboen biltegia egiteko lau milioi euroko inbertsioa egiteko asmoa du Espainiako Gobernuak.


2018-01-26 | Arabako Alea
Udaberrirako amaituko dute Garoņako hondakinen lekualdaketa

Apirila eta maiatza artean bukatuko dute Garoñako aktibitate txikiko eta ertaineko hondakinen lekualdaketa, Enresak adierazi duenez.


2018-01-08 | Miren Osa Galdona
Garoņaren desegitea zenbakitan: 17.000 milioi euroko aurrekontua lanak 70 urte barru amaitzeko

Iazko uztailean iragarri zuen Espainiako Gobernuak Garoña betiko itxiko zuela. Sei hilabete geroago ez dute aurrerapenik egin desegite prozesuan eta martxa honetan bide “luzea, neketsua eta garestia” izan daitekeela aurreikusten dute adituek. Bataz beste,eraikina erabat eraisteko hamabost urte beharko dituztela diote adituek eta 17.000 milioi euroko gastua izan dezakeela. Hondakinak eta erregai nuklearrak kudeatzeko ordea, 70 urte beharko dituela dio enpresa arduradunak.


2017-11-14 | Unai Brea
Garoņaren Kontrako Foroa: "Adi jarraituko dugu, hau ez da amaitu"

Garoñako zentral nuklearra ixtea erabaki eta gero, haren eraisketa prozesu luzea –hamabost urte inguru iraun dezake– hasi behar da orain. Zentralaren jabe den Nuclenorrek du ardura lehen fasean, eta Espainiako Estatuari dagokio gainerakoa. Prozesua gardentasunez eta segurtasuna bermatuz egin dadila eskatu du Garoñaren Kontrako Foroak.


2017-10-22 | Juan Mari Arregi
Garoņak hor segitzen du

Gasteiztik 40 kilometrora dagoen Garoñako zentral zaharkituak, 42 urteren ondoren ez du energia nuklear gehiago sortuko, Espainiako Gobernuak ixteko erabakia hartu baitu.


2017-08-30 | Arabako Alea
Kutsadura aztarna berriak azaldu dira Garoņan

Orain arte inon jasota ez zegoen isurketa baten arrastoa antzeman dute oraingoan. Maiatzean, berriz, su-itzalgailu bat erabili behar izan zuten sugarrak amatatzeko.


2017-08-01 | ARGIA
Agur Garoņa: Espainiako Gobernuak behin betiko itxi du zentral nuklearra

Behin betiko itxi du Garoñako zentral nuklearra Espainiako Gobernuak Energia, Turismo eta Agenda Digitalaren ministro Álvaro Nadalek asteartean iragarri duenez.


Espainiako Estatuko nuklear guztiak ixteko eskatuko dute Madrilen

Manifestazioa egingo dute Espainiako Estatuko zentral nuklear guztiak ixteko eskatuz ekainaren 10ean, Madrilen. 123 talde antinuklear eta ekologistak zentral nuklearren lizentziak ez berritzeko eskatuko dute.


2017-04-27 | Unai Brea
Garoņaren Kontrako Foroa:
"Endesa eta Iberdrola gure bizitzekin jolasean ari dira Gobernuarekin negoziatzen duten bitartean"

Garoñaren Kontrako Foroak gogor kritikatu du Nuclenorren Administrazio Kontseiluak Garoñako zentral nuklearraren berrirekiera eskatzeko erabakiari eutsi izana. Enpresaren bazkideetako batek, Iberdrolak, beste bazkideari (Endesa) adierazi dio zentrala berpizteari uko egin beharko lioketela, ekonomikoki bideraezina izateagatik.


Azkenak
EGILEA
Eguneraketa berriak daude