Apirilaren 27an San Prudentzio danborrada balkoietatik egiteko deia luzatu du Batera Zaintza Sare Herritarrak
Komunitatearen balioa mahai gainean jarriz, apirilaren 27an Gasteizko balkoietara atera eta San Prudentzio danborrada ospatzeko deia luzatu du Baterak. Aurtengo danborradako zuzendari izan behar zuen Leire Betolazak bat egin du ekimenarekin eta berak zuzenduko ditu balokietako danbor doinuak.
aurre egingo dieten hedabide independenteak
Covid-19aren hedapenaren eta honek eragindako krisiaren ondorioz San Prudentzio jaiak bertan behera uztea erabaki zuen Arabako Foru Aldundiak. Jaiak modu batean edo bestean ospatzeko helburuarekin eta komunitatearen garrantzia azpimarratu nahian, Batera Zaintza Sare Herritarrak danborrada herrikoi batean parte hartzeko gonbitea luzatu die Gasteiztar guztiei.
Apirilaren 27an, San Prudentzio egunaren bezperan, 20:30etan balkoietara atera eta danborrada herrikoia egingo dute horrela. Gasteizko irratien kolaborazioa era izango dute, ordu horretan danborradako kanta emitituko baitute uhinetatik. Gainera Leire Betolazak, aurtengo San Prudentzio jaietako danborradaren zuzendaria izan behar zuenak, bat egin du ekimenarekin. Betolazak berak zuzenduko du apirilaren 27ko danborrada herrikoia, baita hurrengo asteetan Baterak antolatuko dituen entseguak eta betselako ekimenak ere. Entseguak apirilaren 20an eta 24an egingo dituzte, arratsaldeko 19:00etan.
Komunitatearen balioa mahaigainean
Hain zuzen ere, komunitateari aitortza egitea da Baterak abiatutako ekimen honen helburua: "Orain arte zeozer argi geratu bada, hurrengoa da: konturatu gara ez gaudela bakarrik, elkarren beharra dugula, komunitatearen balioaz ohartu gara" adierazi dute Sare Herritarreko kideek.
Covid-19ak eragindako krisiak gasteiztar guztien egunerokoa kolpatu duela azaldu dute, "bizitza ugari arriskuan jarriz eta sistemak zituen hutsune eta gabeziak larriagotuz". Horren aurrean, ordea, komunitatean lan egiteko erakutsitako prestutasuna goraipatu dute: "Elkartu, saretu eta gure zien ondokoaren bizitzak zaintzeari ekin diogu".
“Hau guztia amaitzerakoan ez dugu lortuko aurretik zegoen egoera konpontzea. Aldiz, konpontzen hasteko oinarriak ezarri ditugu, eta hemendik ateratako ikaspenak bizirik iraungo du, egon ziur”, ondorioztatu dute.
Etengabe haziz doan zaintza sarea
Hilabete bete da Batera Zaintza Sare Herritarra sortu zela eta denbora tarte honetan haziz eta haziz joan da etengabe. Dagoeneko ia 3.000 lagun dira sarera batutakoak eta hiriko 21 zonalde desberdinetan daude antolatuta.
Orain arte egindako zenbait ekimen ere nabarmendu nahi izan dituzte, hala nola beharra zutenentzako maskarillak egitea, arratsaldero "urte luzez osasun publikoan egondako murrizketak lehen lerroan sufritzen ari dituztenei" txalo zaparrada bidaltzea… "Finean, besarkadak debekaturik ditugun honetan, berotasuna eskaini izan diogu elkarri hamaika modutan; etxean bakarrik dagoenari, ezagutzen ez zenuen bizilagun horri; komunitatea osatu dugu. Balioan jarri dugu bizitza. Gurea eta ondokoarena”, aipatu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Irungo udal gobernua ez da gai izan 29 urte luzetan alardeari lotutako gatazka konpontzeko… ez duelako nahi izan, beste alde batera begiratu duelako, alarde baztertzailea babestea aukeratu duelako, ausardia politiko falta eta arduragabekeria instituzional itzela erakutsi... [+]
Gasteizko Txosnek gaur aurkeztu dituzte ofizialki 2025eko Andre Mari Zuriaren jaietarako kartela eta musika zein kultur programazioa. Hirugarren urtez jarraian, Entxosnatu, etorri gugana! lelopean, gune autogestionatuak abuztuaren 4tik 9ra egongo da irekita, 40 kontzertu eta... [+]
Astelehenetik igandera askotariko 106 jarduera antolatu dituzte auzoko bizilagun eta eragileek, parte hartzea, auzo harrotasuna eta autogestioa ardatz. Aurten poliziak bortizki hustu berri duen Korda espazioa izango dute gogoan. Hamazazpigarren edizioa da aurtengoa.
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
O plazan garatuko dute egitaraua. Bazkariak, bertso saioa, txikientzako antzerkia, pilota txapelketa, herri olinpiadak eta elektrotxarangak izango dira, besteak beste.
Ehunka lagun mobilizatu dira berriz Gasteizen, txosnetan GKSren eta Etxebizitza Sindikatu Sozialistaren aurka mantentzen duten betoa dela-eta, irtenbide bat aldarrikatzeko.
Irungo Alarde Parekidean sortu berri den Meaka konpainiako kapitaina da Nagore Olaskoaga. Alarde Tradizionala vs. Parekidea, “kopuruak direnak dira, baina oso pozik gaude gazte askok eta askok hartzen dutelako parte Alarde Parekidean, eta beraiek dira gure herriaren oraina... [+]
Azken urteetan Eusko Jaurlaritza eta Araba, Bizkaia eta Gipuzkoako foru aldundiak Ticket Bai fakturazio sistema ezartzea exijitzen ari zaie hiri ugaritako jai batzordeetako txosnei. Horren aurrean, Euskal Herriko dozenaka festetako ordezkariek “txosnak eta herri jaiak... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Euskal Herriko hainbat txosna eta jai batzordek deituta, elkarretaratzea egin dute larunbatean Bilboko Miribilla auzoan. Azpimarratu dute txosnak ez direla "edariak zerbitzatzeko barra hutsak", jai herrikoien "bihotza" baizik. Horregatik, Txosnak. Gureak, denonak... [+]
Eibarko San Juanetara begira, Eibarko jai batzordeak udal-gobernuaren eta alkatetzaren aldetik jasotzen ari duen jarrera salatu du. JHH Jaixak Herrixak Herrixandakoak batzordeak luzatu proposamenak "arrazoirik gabe" errefusatu dituztela deitoratzeaz gain, Udalak... [+]
Agerraldia egin dute Gasteizko GKS-k, Gasteizko Etxebizitza Sindikatuak eta Bilboko Luberri konpartsak. “Hainbat hilabetez” Bilboko Konpartsekin eta Gasteizko Txosna Batzordearekin “egoera bideratu” nahian aritu direla ziurtatu dute, emaitzarik gabe... [+]
Bilboko, Gasteizko eta Donostiako herri jaietako ordezkariek agerraldi bateratua egin dute maiatzaren 8 honetan, txosnei jarritako zailtasunak salatzeko eta jai eredu herrikoa "desagertzeko arriskuan" dagoela ohartarazteko.