Antxon Ezeiza zinemagilearen funtsa katalogatu du Euskadiko Filmategiak
Antxon Ezeiza zinemagile donostiarraren funts dokumentala, bibliografikoa eta grafikoa komunitate zientifikoaren eskura dago Euskadiko Filmategiaren artxiboan.
Antxon Ezeiza (1935-2011) zinemagilearen alarguna zenak, Josefina Rubiok, Errenteria, Pasaia, Hernani eta Andoaingo Udalei oinordetzan utzi zien bere senarraren funtsa. 2020an udalek ondarea Euskadiko Filmategian uztea erabaki eta Filmategiarekin hitzarmen bat sinatu zuten. Hitzarmen horren arabera, Euskadiko Filmategiak material horiek modu egokian kontserbatzeaz gain, horien katalogazioa egiteko ardura ere badauka.
Filmategiak funtsa osatzen duen materiala jaso eta egokitutako artxiboetan gorde zituen. Gero, edukien inbentarioa eta katalogazioa egin zuen. Antxon Ezeiza Funtsa material bibliografikoz, zinematografikoz eta audioz osatuta dago. Material bibliografikoarekin 257 erregistro sortu dira: Ezeizak idatzitako gidoiak, sinopsiak, testuak, gutunak eta artikuluak badaude. Gehienak mekanografiatuak dira, baina badaude eskuz idatzitakoak ere. Halaber, gidoi berriak prestatzeko erabilitako materiala, oharrak eta ideia solteak ere aurki daitezke. Prentsa artikuluen artean, Antxon Ezeizari buruzko testuak daude, baita etorkizuneko proiektuak lantzeko interesgarritzat jotzen zituenak ere. Bestalde, 51 audio zinta magnetiko daude funts honetan. Zinta guztiak Eresbilek (Musikaren Euskal Artxiboak) digitalizatu ditu, eta gehienak Ikuska saileko filmetako elkarrizketen audioek osatzen dute. Azkenik, sei Super-8 bobina daude, guztiak Ikuska sailaren filmetako irudiekin eta baztertutako eszenekin.
Donostia Zinemaldiak eta Elias Querejeta Zinema Eskolak parte hartu dute Filmategiak Ezeiza Funtsa modu bateratuan gorde ahal izateko egin diren gestioetan. Joxean Fernandez Euskadiko Filmategiko zuzendariaren hitzetan, “Ezeiza zinemagile, teoriko eta gure zinemagintzaren bultzatzaile izateak duen garrantzia kontuan hartuta, funts hori osatzen duten lehen mailako iturriak ikertzaileentzat eskuragarri jartzea urrats garrantzitsua da euskal zinemaren historia hobeto ezagutzeko. Euskal ondare zinematografikoa babesteko erakundeen arteko lankidetzaren adibide ona ere bada”.
Euskadiko Filmategiaren egoitzan kontsulta daiteke dagoeneko Antxon Ezeiza Funtsa, aldez aurretik hitzordua eskatuz.
Total Refusal izena du bere buruari “gerrilla mediatiko” deitzen dion talde austriarrak: bideo-joko ezagunen irudiak lapurtzen ditu, eta akats minimoak egiten ditu irudien diseinuan, legearen aurrean eskuak ez harrapatzeko. Zinea egiten dute irudiekin. Filmin... [+]
The Searchers filma ari ginen ikusten. Western bat, klasiko bat. Indioek Texaseko familia bati eraso egin eta bahituta eramango dute alaba. John Waynek urteak emango ditu indio gaiztoen atzetik alaba hura erreskatatu nahian. Filmak, bistan da, ez du kontatzen nolakoa zen Amerika... [+]
Euskal Aktoreen Batasunak emandako saria aktore irundarrak jasoko du aurten, Euskal Zinemaren Galan egingo den ekitaldian, irailaren 23an.
Beste urte batez, ARGIA komunikabidea bertatik bertara ibiliko da munduko zine jaialdirik ezagunenetakoan, Donostiako Zinemaldian, ostiral honetan hasi eta hurrengo larunbatera arte. Fokuen azpian ibiliko diren filmei ez ezik, apalago igaroko direnei begira ere ipiniko gara, eta... [+]
Euskarazko ekoizpenek presentzia nabaria izango dute aurtengo edizioan. Bestelakoen artean, espektatiba handiko lan eta gonbidatuak izango dira Donostian: George Clooney protagonista duen Jay Kelly pelikula; Angelina Jolie ere ikusiko dugu Couture-rekin; Julliete Binoche... [+]
17. edizio honetan hamar proiekzio antolatu ditu Donostiako Zinemaldi Alternatiboak, beste horrenbeste eragilerekin elkarlanean. Helburua, urterokoa: "Zinemaren bidez hausnarketa kritikoa sustatzea, hainbat gizarte-gai eta -gatazkari buruzko lanak proiektatuta eta... [+]
Vicentek 76 urte ditu eta azken mende laurdena Kanaria uharteetan darama, Maspalomas herrian, 50 urteko bizialdian ezkutatu duen izatea haizatzen: homosexuala da. Ezbehar baten eraginez, Donostiara itzularaziko dute, eta zahar etxe batean sartuko. Atzera ere, armairuko ateak... [+]
Sail Ofizialean erakutsiko dira hiru: Maspalomas, Karmele eta Zeru ahoak. Lehia nagusitik kanpo, zuzendari onenaren saria irabazten ahaleginduko da Irati Gorostidi Aro berria pelikularekin. Beste zenbait lan ere aurkitu ahalko dira.
Zinemaldiaren atariko orokorra beste [+]
Astelehenean jakinaraziko dituzte ordutegiak, eta hilaren 14an, igandean, jarriko dituzte salgai lehen egunetako sarrerak. 254 film egongo dira ikusgai, 56 herrialdetakoak.
Zinemagile iruindarrak, ibilbide labur baina baliotsua egin zuen zinemagintzan 1970eko eta 1980ko hamarkadetan, zuzendari lanetan emakumerik apenas zebilenean. Irrintzi lanarekin garai hartako errepresioa islatu nahi izan zuen, eta Ikuska proiektuan euskal emakumeak erretratatu... [+]
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
Jose Manuel Gorospe Meagas aktore eta kultur ekoizle donostiarra zendu da, 81 urterekin, Madrilen. Bizitza osoa antzerkiarekin eta ikus-entzunezkoen munduarekin era batera edo bestera lotuta pasatu zuen Gorospek, eta, besteak beste, Euskadiko Filmategiaren sortzaileetako bat... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Chantal Akerman zinegile eta lankidea hil eta hamar urtera, haren ondarea zabaltzen buru-belarri jarraitzen du Claire Atherton muntatzaileak. Gaurkoan, ordea, Athertoni bere ibilbideaz galdetu nahi izan diot bereziki. Gasteizen, Artium museoko areto batean hartu gaitu,... [+]
30 urte baino gehiago daramatza Zero Chou zinemagile taiwandarrak istorioak kameraren atzetik kontatzen, bai zinemarako, bai telebistarako. Aurten, Zinegoak jaialdiaren 22. edizioko ohorezko saria jaso du.