“Antolatu indarrak, batu borroka feministara!” aldarri, martxoaren 8an kaleak betetzera dei egin du Mugimendu Feministak
Azken bi urteetan egindakoaren kontrara, martxoaren 8 honetan ez du grebarik deitu Euskal Herriko Mugimendu Feministak. Greba ordez, mobilizazioak deitu dituzte, antolaketara eta borrokara dei eginez.
Asteartean egin du agerraldia Euskal Herriko Mugimendu Feministak, Iruñeko Gaztelu enparantzan. Emakume Langilearen Nazioarteko Eguna gainean den honetan, egun horretarako planteamenduaren berri eman dute. Azken bi urteetan egindako grebak arrakastatsuak izan arren, aurten borroka moldez aldatzea erabaki du mugimenduak; “Antolatu indarrak, batu borroka feministara!” lelopean mobilizazioak deitu ditu, indarrean den jendarte ereduaren aurka kaleak bete asmoz.
2018 eta 2019 urteetan burututako grebetan nola, beste behin indar erakustaldia egiteko asmoa duela eman du ulertzera mugimendu feministak: “Aurten berriro ere kaleak beteko ditugu, eta ozen eta argi esango dugu: jendarte eredu hau bizigaitza dela pertsona gehienontzat, batez ere emakume eta genero disidenteontzat, eta jasanezina planetarentzat”.
Gogoeta egin dute aurreko urteez, eta grebaren kontzeptua birdefinitu eta ireki dutela adierazi dute, gehienbat emakumeek egin ohi dituzten doako lanak greban barne biltzea lortuz. “Guztion artean gogoeta egiteko ere balio izan digute, baita indarrak metatu eta estrategia berriak pentsatzeko ere”, egin dute balorazioa.
Hala ere, greba helburutzat ordez borrokarako tresnatzat dutenez, aurten kaleak bestelako moldez hartzearen alde agertu dira. Erabaki horren aurrean, zenbaitek mugimendu feministaren baitan “ezintasun edo su-eten bat” dagoela ulertzera eman nahi izan dutela salatu dute, ideia hori ezeztatzearekin batera. Greba, beren hitzetan, “beste eredu sozial eta produktibo bat salatzeko eta aldarrikatzeko tresna” da, eta greba egin ala ez, beraiek ahalegin eraldatzaile horretan jarraitzen dute.
Martxoaren 8 honetan antolakuntza beharra azpimarratu nahi dute, feminismo indibidualistaren aurrean talde, kolektibo eta asanblada feministak indartzea bilatuz. “Neoliberalismoak hain eragin handia duen mundu honetan, indibidualismo basati eta atomizatua sustatzen duen mundu honetan, komunitate feminista konprometitua eraiki behar dugu, sare sozialek eragiten duten pasibotasuna gaindituz”, adierazi dute.
Bestetik, “berdintasun formalaren” aurka posizionatzea ere bilatzen dute: “Guk ez dugu berdintasun formalik nahi, ezta mugarik gabe kontsumitzeko edo pertsonak eta lurraldeak esplotatzeko berdintasunik ere, ez dugu munduko beste leku batzuetan eta gure inguruan emakume askoren esplotazioa sakontzen duten errezeta neoliberalik nahi”. Ildo horretan, ahizpatasun internazionalista aldarrikatu eta zera adierazi dute: “Tokian-toki jarduten dugu planeta osoko gure ahizpa feministekin konektatuta egoteak ematen digun ikuspegi globalarekin”.
Azkenik, aipatu aspektu guztiak barne biltzen dituen feminismoa aldarrikatu dute, erradikala ezinbestez. Feminismo bat kontra egingo diena, besteak beste, nazioarteko emakumeen eskubideen galerari, hondamendi ekologikoei, gerrei, lurren desjabetzei, herrien suntsiketei, erabakitzeko eskubidearen ukazioei, derrigorrezko desplazamenduei, heriotza politikei, gorputzen merkantilizazioari, heteroarauari, arrazismoari, xenofobiari, eskuin muturrari eta faxismoari. “Gure feminismoak hainbeste ahaleginekin lortutako eskubide sozial zein politikoetan emandako atzerapausoari egin behar dio aurre. Baina, gaur ozen eta garbi diogu, aurrean gaituzue!”, egin dute aldarri.
Mobilizazioak
Euskal Herriko hiriburu guztietan, eta auzo zein herri ezberdinetan deitu dituzte mobilizazioak martxoaren 8an. Hemen deialdien zerrenda:
Nafarroa eta Iruñea
Goizez mobilizazio deszentralizatuak egingo dira herri eta auzoetan, 12:00etan. Iruñean, alde zaharretik abiatuko da mobilizazioa, eta Gaztelu enparantza izango da bilgune.
Arratsaldez mobilizazio zentralizatuak egingo dira eskualdeetan, 18:00etan
Gipuzkoa eta Donostia
Goizez mobilizazio deszentralizatuak egingo dira herri eta auzoetan, 12:00etan.
Arratsaldez mobilizazio zentralizatuak egingo dira, 18:00etan.
Baiona
11:00etan Pausa aurretik (18 Lesseps kaia) abiatuko da mobilizazioa.
Bilbo
Jesusen Bihotzetik abiatuko da mobilizazioa, 13.00etan.
Gasteiz
Arratsaldeko 17:30ean San Anton Plazatik abiatuko da mobilizazioa.
Bernedoko Euskal Udalekuetako hainbat familiak hemeretzi salaketa jarri dituzte Ertzaintzan. Horietako bat sexu erasoen delitu batekin dago lotuta, eta besteak exhibizionismoarekin eta derrigortze delituekin. Emakundek hiru kexa jaso ditu.
Ez dut gogoratzen hondartzan izan nintzen lehen aldia. Gogoan dudan lehen irudian, bolantedun bainujantzi bat jantzita karramarro bati ihesean nabil. Badakit, txikia nintzenean, hareaz arrautzaztatutako kroketa baten antza izaten nuela, nire ipurdi zuri-zuria bistan, gero... [+]
1. Bernedo terrorismorik gabeko eremu bat izango da, erradikalik gabea, eta ez da mehatxu bat izango bizilagunentzat.
2. Bi aldeak proposamenarekin ados badaude, gerra berehala bukatuko da. Patriarkatuaren indarrek adostutako lerrora egingo dute atzera, bahitutako dutxak... [+]
Emakume zinemagileentzako egoitza artistikoa da Etxe Betea eta Bilboko erdigunean sortu zen 2022an, Gariza Films ekoiztetxe feministaren eskutik. Ordutik, lau egoitzaren bidez –Gela bat norberarena, Elkarrekin Sortzen, A Shelter of One’s Own eta Two Weeks... [+]
Euskal Udalekuetako hezitzaileek agerraldi jendetsua egin dute ostiralean. Azaldu dute edozein eraso “erabat” gaitzesten dutela eta prest agertu dira, beren artean erasotzailerik balego, “neurriak hartzeko”.
Mugimendu transfeministaren ustez, Bernedoko udalekuen inguruko gezurrak hedatu dituzte eskuin muturrak eta sektore erreakzionarioek. “Lintxamendu kanpaina” eta “eraso antolatua” olatu erreakzionario orokorrago baten markoan kokatu dituzte. Sexu-genero... [+]
Ideia bat argi duenean, oztopoak oztopo aurrera doa Rakel Mateo triatleta (Mungia, Bizkaia, 1975). 2001ean lan istripu bat izan ostean, ezkerreko hanka txikituta geratu zitzaion. Horren ondorioz, kirol egokitua deskubritu zuen eta hiru Paralinpiar Jokotan parte hartu du.
Bernedoko hezitzaileen aurkako salaketa publikoak zabaldu dira azken asteetan, besteak beste, nerabeak dutxa mistoak izatera "behartzeagatik". Hezitzaileek gezurtatu egin dute halakorik zein gazteekiko tratu okerrik, eta gaitzetsi dute "mezu transfoboak zabaltzeko... [+]
Danimarkaren menpe segitzen duen Groenlandiako biztanleriaren %88 da inuita, eta beraien hizkuntzan eta kulturan aitzina egite hutsa dute eguneroko desafio. Zuriek kolonizatu zituzten eta gaur egun egoerak bere horretan segitzen du: zurien begietatik bideratuta dagoen... [+]
Urriaren 31tik azaroaren 2ra Baterajotzea izango da Zaldibarren, Euskal Herriko Gazte Feministek antolatuta. Egitaraua aurkeztu dute, eta izen ematea ireki.
Jatorra, alaia eta positiboa da Sara Mirones (Bilbo, 1997). Pandemian mastozitosia izeneko gaixotasun arraro bat diagnostikatu zioten. Ordutik, Maratón de Lunares kanpaina abiatu du gaixotasuna ikusarazteko, gizartea kontzientziatzeko eta ikerketarako dirua biltzeko... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori,... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]