Zinegoak ekainean ospatuko du 20. edizioa

  • Bilboko LGBTIQ+ zinema eta arte eszenikoen jaialdia ekainaren 23tik uztailaren 3ra egingo dute. Hamasei film luze eta 25 labur dituzte programazioan, beste hainbat jarduerarekin batera.


2023ko ekainaren 21an - 10:02
Azken eguneraketa: 2023-06-22 10:23:11
Zinegoak 20. urteurreneko programazioa aurkeztu dute. Argazkia: Julen Nafarrate. ZINEGOAK © MITXI

2023ko Zinegoaken edizioa ekainean egingo dute, “jai eta aldarrikapen giroan”, 23tik uztailaren 3ra. Alaitz Arenzana zuzendariaren hitzetan: “Zinegoak identitate aldakorretan jarri du arreta, generoa aldatzeko eta deskubritzeko lekua dela ulertuta”.

Hamasei film luzeak hiru sailetan banatu dituzte: FIK (fikzioa), DOK (dokumentalak) eta KRAK (narratiba berriak). Hainbat gai landuko dituzte aurtengo edizioan, adibidez esnatze sexuala, norberak bere burua ezagutzea, memoria artxiboa eta sorlekura itzultzea.

25 film laburrak lau ziklotan banatzen dira: “Haurtzaroa eta nerabezaroa”, “Emakume zuzendariak”, “Lotura primarioak” eta “TBIQ+”. Lehiaketa ofizialetik kanpo Erroak zikloa izango da, Euskal Herrian ekoitzitako film laburrak aurkezten. Filmekin batera, antzerkiak eta emanaldiak antolatu dituzte.

Ekainaren 26ean hasiko dira emanaldiak, baina 23tik 25era aurrejaia ospatuko dute: Nina Menkes zinemagilearen lanen proiekzioa, Queer (Un)Belongings ikusentzunezkoaren emanaldia eta Dantzertik eta Musikenek prestatutako Gure garaian antzezlana. Ondoren, ekaineko azken astean, jarduera osagarriak antolatu dituzte: Identitarteak eta Esaiozu X antzezlanak, My Way Out Izaskun Arandiak zuzendutako dokumentalaren aurkezpena eta Angeles Cruzen atzerako begirada bat.

Jaialdiaren amaiera uztailaren 3an izango da, Bilborocken, eta bertan jakinaraziko dituzte edizio honetako irabazleak. Informazio gehiago beraien webgunean.


Kanal honetatik interesatuko zaizu: Zinegoak
2023-07-04 | Ilargi Manzanares
Hauek izan dira Zinegoak jaialdiko film saridunak

Rita Baghdadiren Sirens dokumentalak irabazi du 2023ko Zinegoak Sari Nagusia, eta Dania Bdeir-en Warsha-k Publikoaren Saria eta Senior Epaimahaiaren Saria. Saridun gehienak emakumeak izan dira. Jarraian saritutako lanen zerrenda.


2023-06-27 | Ilargi Manzanares
Angeles Cruz mexikarrak jaso du Zinegoak jaialdiko ohorezko saria

Aktore, gidoilari eta zuzendariak gai politiko eta sozialak lantzen dituen fikziozko filmak egiten ditu, Mexikoko bere komunitatean oinarrituta.


2022-02-01 | ARGIA
Albertina Carri argentinarrak jaso du Zinegoak-en Ohorezko Saria

Albertina Carri zinemagile eta ekintzaile argentinarrak otsailaren 28an jasoko du Ohorezko Saria, Zinegoak  LGTBI+ zinema eta arte eszenikoen jaialdiaren inaugurazio ekitaldian, Bilboko Arriaga antzokian. Aurtengo edizioan Carriren obrari buruzko ziklo berezia eskainiko da.


"Gure burua nahi dugun moduan izendatzeko eskubidea" aldarrikatuko du Zinegoak LGTBI+ jaialdiak

“Marioker”, “Lumatza”, “Kuir”, “Soropila” edo “Kapaza” hitzek osatu dituzte Zinegoak LGTBI+ jaialdiaren aurtengo kartelak. Inposatutako etiketarik gabe, "gure burua nahi dugun moduan berrizendatzeko, erakusteko eta... [+]


Zinegoak jaialdia martxoaren 1etik 14ra ospatuko da, era presentzial zein birtualean

Zinegoak, Bilboko Gaylesbitrans Nazioarteko Zinema eta Arte Eszenikoen jaialdiak 18. edizioa aurkeztu du astearte honetan, Bilborocken antolatutako prentsaurrekoan. Aurten, martxoaren 1etik 14ra bitartean ospatuko da eta era presentzial zein birtualean jarraitu ahal izango... [+]


Eguneraketa berriak daude