Angel Berrueta gogoratuko dute haren hilketaren hamabosgarren urteurrenean
Martxoaren 11n Madrilen izandako atentatu yihadisten ondoren gertatu zen: okindegian lanean zela kalez jantzita zihoan Espainiako polizia batek tiroz hil zuen. ETA gaitzesteko kartela okindegiaren kanpoko aldean jarri nahi ez zuelako eman zion tiro.
Hamabost urte beteko dira asteazkenean, marxtoak 13, Espainiako Polizia batek tiroz hil zuela Iruñeko Donibane auzoko okina, Angel Berrueta. Aurretik poliziaren emaztearekin izan zuen eztabaida okinak. Madrilgo atentatua ETAk egina zela uste zen lehen ordu haietan, eta ETA gaitzesteko kartela okindegian jartzeko galdegin zion. Halakorik egiteko asmorik ez zuelako eman zion tiro kalez jantzitako poliziak. Martxoaren 13an izanen da urtemuga eta Iruñeko Donibane auzoan gogoan izanen dute Berrueta.
Iruñean, Martin Azpilukueta kalean eginen diote omenaldia 20:00etatik hasita, okindegia zuen tokian bertan. Dokumental bat ere emanen dute, hamabost urteetan bizitakoaz: 13M. Atocha, El Pozo, Santa Eugenia... Donibane. Dokumental hori ikusi ahal izanen da asteartean, martxoak 12, lehenbizi 18:00etan Zizurko Esparru gaztetxean eta gero 19:30etan Zabaldin.
Albiste hau Euskalerria Irratiak argitaratu dute eta ARGIAra ekarri dugu CC by-sa lizentzia baliatuta
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Polizia gehiegikerien eta eskuin muturreko taldeen biktimak aitortzeko eskatu dute ETAren 41 biktimak, Vocento Taldearen komunikabideetan zabaldutako iritzi artikulu baten bidez.
Eusko Jaurlaritzak, Urkullu buru, “bidegabea izan zen” aitortzea eskatu ohi dio ezker abertzaleari. ETAren jardunaz ari da. Esaldia mantra da politikagintzan. Errepikatzearen poderioz, batzuen “bidegabekeriak” beste batzuenak kukutzeko “metodologia” eraginkorra. Komunikazio larderiatsua boterearen arma izaki.
“Bidegabea izan zen” kontakizunean sartu eta justizia egin behar da. ETAk eragindako kalteak bidegabeak dira. Pertsonak hil eta legedia... [+]
EAEko Legebiltzarrrean liskarra izan da ostegun honetan EH Bilduko legebiltzarkide Julen Arzuagak hitza hartu duenean. Publikoaren artean Jusapol sindikatu polizialeko kideak zeuden eta parlamentari abertzalea iraindu dute.
"Bigarren mailako biktima" sentitzen direla jaso du Foro Sozialak egindako txostenak eta "egia jakiteko" eskubideaz mintzo dira. Nafarroako parlamentura eraman dute indarkeria horren biktimekin osatutako txostena.
Pasaiako segadaren 35. urteurrena gogoratzeko ekitaldia egin zuten joan den larunbat arratsaldean Azpeitiko azoka plazan. Hamaika kasu, aldarri berbera lelo hartuta, aurtengo ekitaldian Espainiako Estatuaren indarkeriaren biktimak gogoan izan dituzte.
Euskal Herritik eta Espainiako Estatutik etorritako dozenaka milaka pertsonak Altsasu kolapsatu zuten igandean, Espainiako Auzitegi Nazionalak berretsitako gazteen epaiari arbuioa erakutsi eta Altsasuko gazteei elkartasuna adierazteko. Altsasuk inoiz bizi izandako manifestaziorik handienean, gazteen askatasuna ere eskatu zen.
Pasaiako segadaren 35. urteurrenean, estatu indarkeriak hildako hainbat pertsona oroituko dute. Larunbatean izango da ekitaldi nagusia, Azoka Plazan. Ostiralean, lore eskaintza egingo dute, monolitoan. Erakusketa ere zabaldu dute. Pasaiako segadan hildakoen senideak Nazio Batuetako erakundeetara jotzea aztertzen ari dira.
Legealdi honetan bigarren aldiz onartu dute eskuin muturraren eta polizia-indarren biktimak aitortzeko legea, aurrekoa Espainiako Konstituzio Auzitegiak baliogabetu egin baitzuen. Oraingo legeak izaera administratiboa izango du eta epai judizialak kontuan edukiko ditu.
Angel Berrueta eta Kontxi Sanchiz oroitu zituzten atzo Iruñeko Donibane auzoan, haien heriotzaren 15. urteurrenean. Espainiako polizia batek eta bere semeak hil zuten Berrueta, martxoaren 11ko Madrilgo atentatuetatik bi egunera, gizonak bere okindegian ETAren aurkako kartel bat jarri nahi izan ez zuelako.
