Junts-ek PSOEren legegintzaldia kolokan jarriko du ez badute "berehala aplikatzeko amnistia integrala" babesten

  • Espainiako Diputatuen Kongresuak berriro eztabaidatu beharko du Aministia Legearen proposamena. PP, Vox, Coalición Canaria eta UPNk ezezkoa bozkatu dute, eta Junts alderdiak ere ezezkoa eman dio. Hilabete inguruko epea izango dute zuzenketak egiteko.

Juntsen diputatu eta bozeramaile Miriam Nogueras. // Argazkia: El Salto

2024ko urtarrilaren 31n - 10:49

Espainiako diputatuen Kongresuak errefusatu egin du asteartean azken hilabeteotan nekez eztabaidatu eta negoziatutako amnistia legea. Eskuinak ezezkoa bozkatzeaz gain, JxC-ko zazpi diputatuek ere atzera bota dute lege proposamena, argudiatuta ez dagoela behar bezain blindatuta, eta ez duela bermerik ematen jasota dagoen bezala aplikatua izan dadin, aintzat hartuta Espainiako judikaturaren jokabidea. Orotara, aldeko 171 boto eta kontrako 179 jaso ditu.

Juntsen diputatu eta bozeramaile Miriam Noguerasek azaldu du testuak “hutsuneak” dituela eta hori “ezerezean” utz dezakeela “Espainiako justizia prebarikatzaileak”. Gaineratu du, lege proposamena “selektiboa” eta “geroratua” dela, kanpoan uzten baititu prozesu independentistan inplikatutako pertsonak.

La Vanguardia-k jaso duenez, Jordi Turullek ez du mehatxu gisa planteatu nahi izan, baina Sanchezen investidura akordioari erreferentzia egin dio: “PSOEk ez du hemendik mugitu nahi eta ez du amnistia integraleko legerik nahi”. Konponbideetan zentratzea eskatu du, eta ez arazoetan. 

Ezezko hauekin, lege-proposamena ez da bertan behera geratuko, baina epeak luzeagoak izango dira. Ez dute testua senatura bidaliko, eta behe ganberako justizia batzordera itzuliko da. Hala, diputatuek hilabete inguruko epea izango dute onartu ez diren zuzenketak gainbegiratu eta beste batzuk plazaratzeko, baina Kongresuko Mahaiak epea murriztu dezake, tramite hori urgentziazkotzat jotzen badu, Berria-k jaso duenez.

ERC desados agertu da bozketa egin aurretik. Zuzenketak planteatzen zituen, baina testuaren aldeko botoa defendatu du. “Auzitegiek ondo erabiltzen duten lege honek amnistia bermatzen die gure pertsona guztiei, terrorismorik ez delako egon, traiziorik ez delako egon”, defendatu du Pilar Vallugera ERCko diputatuak.

 


Kanal honetatik interesatuko zaizu: Espainiako politika
Euskal sindikatuen aldarrikapen historiko bati atea ireki eta lurralde-hitzarmenak lehenetsi ditu Espainiako Gobernuak

Hego Euskal Herrian negoziatzen diren itunek babes eta berme gehiago izango dute hemendik aurrera, Espainiako Estatukoen gainetik, Espainiako Gobernuak EAJrekin akordioa egin ostean. Sindikatuek neurria txalotu dute eta gogorarazi dute langile borrokaren ondorio dela.


Zapaterok dio Ostiral Santukoaren gisako akordio bat egon zela ETAren amaieran

Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]


Pedro Sánchezek karguan jarraituko du

"Joko garbia" eskatu du Espainiako Gobernuko presidenteak, eta "hausnartzeko" deia egin: "Munduari erakutsiko diogu nola defendatzen den demokrazia". Ulertzera eman du "indartsuago" itzuliko dela.


Lau egun dantzan Pedro Sánchezen dimisioaren bueltan

Zer egingo du Sánchezek datorren astelehenean? Dimititu edo jarraitu? Hori da Espainiako Estatuan une honetan bolo-bolo dabilen auzi nagusia. Lau egunotan horretaz besterik ez hitz egitea lortuko du Sánchezek. Eta bide batez Manos Limpias, PP-Vox eta lawfare-ari... [+]


Eguneraketa berriak daude