Amiantoak hildakoen kopurua bikoiztu egin da aurten EAEn
Amiantoak aurten 29. pertsona hil ditu jadanik, azkenekoa La Naval eta CAFen azpikontratata batentzat 70eko hamarkadan aritutako behargina.
CCOO-Euskadi sindikatuak emandako datuen arabera 29 lagun hil dira jadanik amiantoaren ondorioz Euskal Autonomia Erkidegoan. Duela gutxi jakin dute 65 urteko Francisco Javier Pérez Hernández langilearen heriotzaren berri. Pérez Hernándezek 70eko hamarkadan Beasaingo CAF eta Sestaoko La Navalek azpikontratatua egin zuen lan amiantoarekin. Horren ondorioz mesotelioma agertu zitzaion.
Amiantoaren kalteak 30 edo 40 urteren bueltan ager litezke eta 70 eta 80ko hamarkadetan lantegietan erruz erabili zela jakinda, adituek aurreikusi dute heriotzak gero eta gehiago izango direla hemendik aurrera. 2018ak hori erakutsi du: iaz baino %45 hildako gehiago zenbatu dira jadanik aurten mineral kantzerijenoak eraginda, Juanjo Basterra kazetariak Twitterren gogorarazi duen moduan. Joan den urtean 19 lagun hil ziren.
CCOOk berriz ere eskatu du Eusko Legebiltzarrak eskatuta Espainiako Kongresuan onartutako konpentsazio funtsa behingoz martxan jartzea, hildakoen kopuruak gora egin ahala haren beharra handiagoa izango baita.
Gazteen artean izan da nabarmenena igoera: 2019tik %91 hazi da baja kopurua. Emakumezkoen bajak, berriz, ia bikoitza izan dira gizonezkoekin alderatuta. Konfinamenduan jo zuen goia buru osasunagatiko baja kopuruak, baina aurtengo maiatzean kopuru hori gainditu egin da.
Legazpiko Patricio Echeverria enpresako langile ohi baten alargunari ere pentsioa onartu diote, senarra amiantoak eragindako gaixotasun batengatik hil zela onartuta.
Mutualitateek identifikatzen dituzte gaixotasun profesionalak, eta gero gehienak gizarte segurantzara bideratu. LABek salatu du bide horretan enpleguarekin duten lotura ezkutatu nahi izaten dutela. Europar Batasuneko lan-istripuen eta lan-gaixotasunen portaeraren datuek... [+]
Iruñeko Lan Arloko Epaitegiak frogatutzat eman du hildakoak amiantotik babesteko baliabiderik gabe lan egiten zuela. Aurretik ere antzeko kasu bategatik epaitu zuten Fagor Ederlan Tafalla enpresa.
