Iruñeko Lan Arloko Epaitegiak frogatutzat eman du hildakoak amiantotik babesteko baliabiderik gabe lan egiten zuela. Aurretik ere antzeko kasu bategatik epaitu zuten Fagor Ederlan Tafalla enpresa.
Iruñeko Lan Arloko 2 zenbakiko Epaitegiak ebatzi du Fagor Ederlanek %40ko prestazioen errekargua ordaindu beharko diola amiantoaren eraginez hildako langile baten alargunari. ELAk jakitera eman duenez, epaitegiak irailaren 29an frogatutzat eman zuen enpresak ez zuela hartu nahiko segurtasun neurririk amiantoarekiko lan-esposizioaren aurrean.
Ebazpen judizialak zehazten du hildako langileak “amianto-zirrindolak manipulatu zituela babes-baliabiderik gabe, ingurumen-neurketarik egin gabe eta arropa garbitzeko protokolo espezifikorik gabe”, 1977 eta 1992 urteen artean. Frogatuta geratu da, gainera, 2004ra arte enpresak ez zuela egin laneko arriskuen ebaluaziorik.
Hortaz, epaitegiak ezetsi egin du Fagor Ederlan Tafalla S.K. enpresak aurkeztutako demanda, eta gizarte-segurantzako prestazioak %40 handitzera zigortu du.
Halaber, Bidelagun Fundazioak –ELAk prekarizazioaren eta lan-ezbeharren aurka borrokatzeko sortutako erakundea– gogorarazi du Fagor Ederlan Tafalla S.K. enpresaren aurkako bigarren epaia dela amiantotik babesteko neurri faltagatik.
Fundazioak “ulertezintzat” jo du enpresak frogatutakoa ukatzen jarraitzea, eta eskatu dio “bide judiziala beharrik gabe ez luzatzeko, sufrimendua areagotu baino ez baitu egiten”. Modu berean, Bidelagunek eta ELAk berak erakunde publikoei exijitu diete “langile klasearen osasunerako eskubidea modu eraginkorrean bermatzeko baliabideak esleitzeko”, hain justu Amiantoaren Biktimentzako Konpentsazio Funtsa Legebiltzarrean izapidetzen ari denean.
Gazteen artean izan da nabarmenena igoera: 2019tik %91 hazi da baja kopurua. Emakumezkoen bajak, berriz, ia bikoitza izan dira gizonezkoekin alderatuta. Konfinamenduan jo zuen goia buru osasunagatiko baja kopuruak, baina aurtengo maiatzean kopuru hori gainditu egin da.
Legazpiko Patricio Echeverria enpresako langile ohi baten alargunari ere pentsioa onartu diote, senarra amiantoak eragindako gaixotasun batengatik hil zela onartuta.
Mutualitateek identifikatzen dituzte gaixotasun profesionalak, eta gero gehienak gizarte segurantzara bideratu. LABek salatu du bide horretan enpleguarekin duten lotura ezkutatu nahi izaten dutela. Europar Batasuneko lan-istripuen eta lan-gaixotasunen portaeraren datuek... [+]
Lan istripuak eta laneko gaixotasunak horiek prebenitzeko neurriak baino garestiago bilakatu nahi ditu enpresentzat Bidelagun Fundazioak. Izan ere, Hego Euskal Herrian urtero 50 pertsona baino gehiago hiltzen dira lan istripuen ondorioz, eta heriotza horietako bakoitzeko beste... [+]