“Amiantoak hil zuen Celestino”, 30 urteren ondoren
Kostata, baina hiru hamarkadaren ostean hala ebatzi du EAEko Auzitegi Nagusiak: lanean arnastutako amiantoaren erruz sortu zitzaion minbizia Celestino Tolosari. Hori frogatu nahian aspalditik dabil haren familia, eta kolpe latza jaso zuen maiatzean, Donostiako Auzitegiak helegitea atzera bota zuenean. Orain, bestelakoa izan da ebazpena.
“Celestinorengatik ez balitz, ez genuke inoiz egia jakingo”, dio Kontxi bere emazteak, El Diario Vasco-k eginiko erreportajean. Senarrak hala eskatuta, Santanderren –operatu zuten lekuan– gorde zituzten bere birikak, eta orain bi urte aztertu zituzten. Horri esker jakin da egia.
Irungo CAF enpresako langilea zen Celestino Tolosa. 1980an hasi zen osasun arazoekin, baina 1999ra arte lanean jarraitu zuen, biriketako gaixotasun butxatzaile kronikoa diagnostikatu zioten arte. 2006an aldiz, biriketako transplantea egin behar izan zioten Santanderreko Valdecilla ospitalean –trasplante arriskutsu samarra zen, adinagatik besteak beste– . 2008an ebakuntzatik errekuperatu ezinean zebilela, hil egin zen. Zortzi urte beranduago, susmoa besterik ez zena –laneko amiantoagatik hil zela– ikertzen hasi eta itxaropena sortu zitzaien senitartekoei. Otsanda alaba Santanderreko ospitalearekin jarri zen harremanetan, eta haiek “zure aitak eskatu zituen birikak gordetzeko, eta hemen ditugu” esan zioten. Organoak ikertzen hasi eta iazko irailean frogatu zuten: amiantoak eragin zion minbizia.
Donostiako Auzitegian jarri zuten helegitea, baina maiatzera arte ez zen sententziatu. Auzitegiaren aburuz, Santanderreko ospitaleko txosten hark “ez duelako froga gehiago ematen aurreko espezialistek egindako diagnostikoa aldatzeko”. Dena dela, ez zuten amore eman.
Epaia: “Celestino arrazoi profesionalek eraginda hil zen”
EAEko Auzitegi Nagusira jo zuten. Aurreko astean heldu zitzaien albistea: “Celestino arrazoi profesionalek eraginda hil zen”. Hots, auzitegiak egiatzat eta balizkotzat jo zuen Valdecilla ospitaleak eginiko txostena. Eta gaineratu du Gizarte Segurantzak ordaindu beharko dizkiola Kontxiri alargun izatearen kalte-ordainak. CAFek ere isuna izango duela dio ebazpenak, zenbatekoa zehazteke egon arren.
Langileak amiantoak eragiten duen minbizi mota bat dauka eta 376.305 euroko kalte ordaina eman beharko diote, EAEko Auzitegi Gorenak zigorra berretsi baitu.
Legea onartu eta ia hiru urte igaro direnean jarriko da martxan neurria. Espainiako Ministro Kontseiluak onartutako dekretuak dio biktima bakoitzak 32.000 eta 96.000 euro artean jasoko dituela kalte-ordain moduan.
Gasteizko Lan arloko bigarren auzitegiak ebatzi du SIS Electricidad enpresarentzat lan egiten zuen eta 2019an hil zen behargina amiantoak eragindako minbizi batengatik hil zela. Udal galdarak konpontzeaz arduratzen zen elektrikaria, eta 1999tik 2017ra lan egin zuen enpresa... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]