Tubos Reunidos enpresako sindikatuek salatu dute amiantoa agertu dela labe batean eta zenbait egunez lana ez zela gelditu

  • Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.


2024ko martxoaren 11n - 09:58
Amurrioko Tubos Reunidos enpresa. / Aiaraldea.eus

Tubos Reunidos enpresako sindikatuek Amurrioko beharginei zein lantegian aritzen diren azpikakontratatakoei jakinarazi diete labe kalibratzailean amiantoa agertu zela otsailaren 26an, han egiten ari ziren obretan.

Lanek martxoaren 3ra arte jarraitu zuten eta gero gelditu zituzten. Hori dela eta, inguruetan egon diren langileei eskatu diete zerbitzu medikuekin harremanetan jartzeko.

Gainera, egoera ez kontrolatzea leporatu dio enpresa batzordeak konpainiari. Jakinarazpena martxoaren 5ean izan zen. Tubos Reunidosi eskatu zioten prebentzio ordezkariekin premiazko bilera egitea, jakiteko zein neurri hartu dituen enpresak, zein langile izan ahal diren kaltetuak eta abar.

Halaber, sindikatuek uste dute 2005ean egindako amiantoari buruzko ziurtagiriak (zeinak adierazten zuen fabrikan ez zegoela mota horretako materialik) ez duela balio, eta berria osatu behar dela.

Enpresa eta sindikatuen arteko talka

Sindikatuen komunikazioak zuzendaritzaren erantzuna izan du, bi arrazoi direla medio. Alde batetik, enpresa batzordeak adierazi du behin baino gehiagotan topatu dutela amiantoa lantegian (ESK sindikatuak erantsi du lau aldiz gertatu dela azken lau urteetan), eta konpainiako arduradunek adierazi dute hori ez dela egia.

Bestalde, Tubos Reunidosek azaldu du amiantoa identifikatu bezain pronto eten dituela lanak eta enpresa bat kontratatu duela egoera bideratzeko.

Amiantoa minbizia eragin dezakeen materiala da eta Aiaraldeko osasun publikoan eragin handia izan du.


Kanal honetatik interesatuko zaizu: Amiantoa
2024-01-10 | Reyes Ilintxeta
Jose Mari Esparza. Ideia trafikatzailea
"Borrokaren beharra transmititu nahi dut, zerbait berria sortuko da, beti sortu da"

Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]


"CAFeko zuzendaritzak produkzioa jarri zuen langilearen osasunaren gainetik"

Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]


CAF lantegiko hiru nabetan lana eten egin dute amianto kutsaduragatik

Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.


Zer da hauts zuri hori? Badator amiantoaren laugarren olatua…

Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]


Eguneraketa berriak daude