Amets Arzallus: “BEC herri baten bizi nahiaren sinbolo bihurtzen da”
Amets Arzallus Euskal Herriko Bertsolari Txapelketako txapelduna elkarrizketatu du Euskal Irratiak. Elkarrizketako pasarte esanguratsuenak laburbildu ditugu ARGIAn.
“Ahalik eta ongien” pasatzera joan zen txapelketara, eta txapelarekin egin du etxera buelta.
Dena den, “bidean” paratzen du Arzallusek ikusmira, ez sarian. “Nik ez nuen txapela helburu bezala, helmuga bat bezala, zeren ez diot iristearen zentzua eman nahi, baizik eta segiko duen zerbait bezala”.
Horregatik, orain aurrera begira ari da: “ahalik eta gauza diferente gehien xerkatzen jarraitu nahi dut”.
13.500 pertsonen aurrean jantzi zion bart Joanito Dorronsorok txapela, Maialen Lujanbio 2009ko txapeldunarekin buruz burukoa jokatu ostean.
Eta, hain zuzen ere, Lujanbioren amaierako agurrarekin hunkitu zen gehien aurtengo irabazlea: “Maialenen agurra biziki momentu hunkigarria izan zen. Maialenen nire aipamena… hor izan zen gehien hunkitu nintzen momentua, malkotik hurbilen hortxe. Maialen kantukide bezala soilik ez, pertsona bezala ere izugarri ona da”.
Arzallus hainbat pertsonekin oroitu zen agurrean, baina, batez ere, amari eskaini zion txapela.
Zerutik begira daude
Joxe eta Manuel Mari
Ziega zulotik entzuten
Beste euskaldun ugari
Musu bat iparraldeko
Bertso eskolako haurrari
Lagun nauten guztiak,
Olatz eta arreba bi
Baina ni ez bainaiz hemen
Neuk sortu hutsean ari
Aitarena den txapel hau
Eskaintzen diot amari
Haurra nintzela euskaraz
Erakutsi zidanari
Publikoak txalo zaparra batekin hartu zuen txapelduna:
Zumaiako Udaleko Euskara Zerbitzuak antolatutako 'Euskara, bestela ez gara' hitzaldi zikloa. Joanito Dorronsoro eta Amets Arzallusen solasaldia bertsolaritzaz, hizkuntzaz...
Euskal Herriko Bertsolari Txapelketaren bilakaera aztertu du IXA ikerketa taldeak, 1986ko sariketatik abiatu eta 2013kora arte. Besteak beste, erabilitako neurriak, doinuak eta euskara alderatu dituzte. Datu bat: 2013an gaien % 77 dramatikoa izan da eta %23 umorezkoa.
Joanito Dorronsorok Amets Arzallusi Bertsolari Txapelketa Nagusiko txapela jantzi eta astebetera elkartu ditu biak Baleike Kultur Elkarteak Zumaian, Joanitoren etxean. BECeko finalaz eta bertsolaritzaren inguruko beste hainbat kontutaz jardun dute berriketan.
2013ko Euskal Herriko Bertsolari Txapelketako bertso-saioen bestelako ikuspegia 6 astez eskaintzen aritu ostean agur esateko ordua heldu da, Barakaldoko BECeko finalak utzitakoa xehatuz.
Ez naiz ni hitz zurietan gehiegi luzatu zale, baina dagokionari berea ematea lege denez eta, bihotz-bihotzez horrela sentitzen dudalako, eskerrik asko ezer baino lehen BEC-eko oholtza gainera igo zineten zortzi bertsolarioi. Egiatan diot aspaldian hartu dudan gozaturik... [+]
Juanito Dorronsoro bertsolaritza lantzen ibili da bizitza osoan eta 80ko hamarkadan buru-belarri jardun zen bertso eskolak sortzeko lanean. Bertsolari Txapelketa Nagusiko finalean berak jantziko dio txapela irabazleari, horren harira Urola Kostako Hitza berarekin mintzatu da.
Unai Iturriaga eta Igor Elortza durangarren arteko solasaldia 2013ko Bertsolari Txapelketaren finalari begira.
Iturria: Anboto.org
Asteazkenero, Euskal Herriko Bertsolari Txapelketaren bestelako ikuspegia eskaintzen du web telebista saio honek. Aste honetan Mauleko finalaurrekoa utzitakoarekin prestatu dugun bostgarren programa hau.
Abenduaren 15eko Euskal Herriko Bertsolari Txapelketa Nagusiko finala aurkeztu dute eta hainbat informazio praktiko eskaini dituzte antolatzaileek finalera doazen bertsozaleek plana antolatzeko arazorik izan ez dezaten.
Hitzordu berezia genuen Maulekoa. Gure saioa genuen nunbait... Gure lehen aldia eta ez genuen ezertan hutsegin nahi. Bertsolariak: Sustrai Colina (695,5 puntu), Unai Agirre (691,5), Jexux Mari Irazu (689,5), Aitor Mendiluze (688,5), Jone Uria (666,5), Agin Laburu (648).
Asteazkenero, Euskal Herriko Bertsolari Txapelketaren bestelako ikuspegia eskaintzen du web telebista saio honek. Aste honetan Donostia eta Elizondoko bertso-saioek utzitakoarekin prestatu dugun laugarren programa hau.
Bertsolariak: Igor Elortza (703 puntu), Alaia Martin (674,5), Aitor Sarriegi (674), Jon Martin (641,5), Etxahun Lekue (639,5) eta Fredi Paia (617,5).
Asteazkenero, Euskal Herriko Bertsolari Txapelketaren bestelako ikuspegia eskainiko dugu web telebista saio berri honek. Oiartzun eta Murgiako bertso-saioek utzitakoarekin ondu dugu hirugarren programa hau.