Amazoneko langileen grebak milaka herritar oparirik gabe utziko al ditu?

  • Espainiako Estatuan multinazionalak duen zentrorik handieneko langileak greban dira beste behin. 32 orduko lanuzteak abiatu dituzte gaur, urtarrilaren 3an, eta horrek Hiru Errege Magoen lana berandutzea ekar dezake.

Gorka Pe˝agarikano @gorkap34
2019ko urtarrilaren 03a

Urtebeteko epean hirugarren aldiz, greban dira Amazon multinazionalak San Fernando de Henares herrian (Madril) duen zentroko langileak. 10 futbol estadioren neurriko pabilioitan –75.000 metro karratu ditu– biltzen dira 2.000 langileak , eta gehien-gehienek, Marc Blanes CGT sindikatuko kidearen aburuz %80 inguruk, lanuzteak egingo dituzte egunotan. Ikusteke dago grebalari hauek nahikoak izango ote diren erraldoi estatubatuarrari min egiteko.

Espainiako Estatuan gehien fakturatzen duen merkataritza elektronikoko enpresa da Amazon. Bere fundatzailea, Jeff Bezos, munduko aberatsena izatera iritsi da Amazonek dituen 25 urteotan; 87 milioi dolar inguru dituela kalkulatzen da. Espainian 22 biltegi erraldoi ditu kontrolpean, baina handiena denak, Madrilgoak, arazoak sor diezazkioke.

El Saltorekin izan da Marc Blanes, aurrez aipatutako CGT sindikatuko kidea: “Gaur –urtarrilak 2ari erreferentzia eginez– irteten ez den merkantzia, ziurrenik ez da iritsiko Errege egunerako: aurrera goaz lanuzteekin, eta ez dugu etsiko”. Gaur hastekoa duten grebak 32 ordu iraungo ditu; hots, urtarrilaren 4 iluntzera arte. Tradizioz urtarrilaren 5a jai egingo dutela dio Blanesek, eta hortaz, urtarrilaren 7 edo 8an iritsiko lirateke erosketak.

Amazonek, dena dela, ez du urteotako lana eta ospea leihotik botako. Enpresaren jokabidea zein izango den argi dute langileek: Black Friday egunean –azaroaren 23an– egin zuen bera egingo du orain ere. Azken urteko bosgarren lanuzte eguna zuten hura, eta Amazonek, salmenta gehien dituen egunean, San Fernando de Henareseko zentrotik atera beharreko merkantzia desbideratu zuen beste zentroetara. Hala, erosketak egunean iristea lortuz.

“Menpeko lanak”

Langileen kontratuez mintzatu da Blanes. 2.000 langile inguru dituzte San Fernando de Henaresen: 1.400 kontratu mugagabe eta beste 500 lagun inguru aldi baterakoak. Horrek egoera “zailtzen” duela dio. Aldi baterakoa duten horiek asteburutan egin ohi dute lan, eta enpresak kontratua eteteko duen erraztasunarengatik, oro har ez dira lanuzteetara gehitzen. “Amazonek bere menpeko bihurtu ditu”, dio Blanesek.

Bestalde, bajak hartzerakoan pairatzen dituzten zailtasunak “larriak” direla uste du: “Bajak eman bai, baina hala nolakoak: ohiko gaixotasunengatik hartzen direnak baino ez”.  Azken urtean –seigarren aldiz daude greban– soldatek beherantz egin dute kategoria guztietan. Hirugarren kategoriakoak, adibidez urtean 28.000 euro irabaztetik 24.000 inguru irabaztera igaro direla salatu du Marc Blanesek.

Seigarrena hamar hilabetean

Iazko Aitaren egunean egin zuten estreinakoz egun osoko lanuztea. Garaiko hitzarmen kolektiboa atzera botatzeko mehatxua egin zuen enpresak, eta horri erantzunez langileek Amazon boikoteatzeko dei egin eta martxoaren 21ean lanuztea egin zuten. Egun hartan langileen %30a joan zen lanera.

Orduz geroztik greba gehiago izan dira, baina aipagarrienak, Prime Day-arekin bat eginez, uztailaren 16an, 17an eta 18an eginikoak dira. %80ko jarraipena baino gehiago izan zuten lanuzteek, eta poliziak esku hartu behar izan zuen. Bi pertsona atxilotu zituzten.

Uztaileko hark zerbaitetarako balio izan zuen: galdutako baldintza batzuk berreskuratzea lortu zuten. Dena dela, Blanesen hitzetan, baldintza horiek kaskartuz doaz gaur egun.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Amazon  |  Langile borroka  |  Madril

Amazon kanaletik interesatuko zaizu...
Nola lagunduko dituen Parisko Udalak hiriko liburu-dendak

Parisko Udalak 250.000 euroko diru-laguntza iragarri du liburu-denda independenteentzat, hirian dauden mota honetako negozioak mantentzeko eta berriak irekitzea bultzatzeko. Parisko liburu azokaren 39. edizioa ostiral honetan hasiko da eta ekitaldi horren atarian eman dute albistea.


Utzi bakean Strand liburu-denda

New York, 1927. Benjamin Bass izeneko etorkin lituaniarrak liburu-denda bat ireki zuen Fourth Avenuen, aurreztutako 300 dolar eta maileguan hartutako beste 300 erabilita, eta Strand jarri zion izena, Londresko kalea gogoan.


2018-12-06 | ARGIA
Google tasa 2019an ezarriko duela berretsi du Frantziako Gobernuak

Europan zerga txikiak ordaintzen dituzte interneteko erraldoi teknologikoek (Google, Apple, Facebook, Amazon…) eta horiei enpresa digitalen gaineko zerga, Google tasa delakoa, aplikatu nahi zaie Europar Batasunean, baina herrialde guztiak ez daude ados. Erabakitzen dena erabakitzen dela, Frantziak zerga ezarriko duela adierazi berri du Bruno Le Maire Finantza ministroak.


Amazonen infanteria iritsi da Frantziako literatur sistemaren azken gotorlekura

Irail honen hasierakoa da notizia: Amazonen autopublikatutako liburu bat Frantziako Renaudot sariko finalisten artean dago. Marco Koskas idazlearen Bande de Français da nobela eta lehenbiziko aldia da plataforma horren bidez publikatutako lan batek Frantziako Estatuko sari literario garrantzitsuenetako bat irabazteko aukera daukana.


2018-07-17 | ARGIA
Amazonen milaka langile greban daude salmentarik handieneko 'Prime Day' egunetan

Amazon banaketa konpainiaren Europako milaka langile greban daude gaur enpresak 'Prime Day' promozio bereziko egunak ospatzen dituela aprobetxatuz. Liburu eta diskoetatik hasita edonolako kontsumo gaien banaketa eta komertzializazioa kasik monopolizatu duen Amazoneko langileek soldaten igoera eta lan baldintzen hobetzea eskatzen dute.


2018-06-17 | Kepa Matxain
Liburu denda independenteak
Nola eutsi azken lubakian

Hiru urtean, erreferentziazko hiru liburu denda itxi dituzte Iruñean. Bakoitza arrazoi desberdinengatik, baina motibo ekonomikoak tarteko hiru kasuetan. El Parnasillo aurrena, Gómez gero eta berriki Auzolan, 40 urteko ibilbidearen ostean. Azken hori ixteko arrazoi gisara aipatu zituen Mertxe Zufia bertako kideak “liburu-merkataritzan gertatzen ari diren aldaketa bortitzak eta azkarrak”. Zeintzuk dira, ordea, aldaketa horiek? Eta panorama horretan, zer egin dezakete... [+]


Masiboki zelatatutako gizartea

“Denbora askoan, erabat zelatatutako mundu baten ideia erokeria utopiko edo paranoiko gisa hartu izan da, teoria konspiratzaileekin obsesionatutako jendearen irudimen aluzinatua. Hala ere, egiari zor: hemen eta orain Zelataren Inperio antzeko baten kontrolpean bizi gara. Gu konturatu gabe, geroz eta behatuago, espiatuago, zelatatuago, kontrolatuago, fitxatuago gaude.


2018-03-14 | Miren Osa Galdona
Multinazionalaren prekaritatea agerian
Amazoneko Madrilgo langileek greba egingo dute

Amazon Spain-eko langileak greba egitera deituta daude martxoaren 22an eta 23an. Hala jakinarazi dute enpresa batzordea osatzen duten sindikatuek. Hamazazpi hilabeteko negoziazioen ostean bi aldeek ez dute adostasunik lortu eta langileen lan eskubideak arriskuan daudela ohartarazita, 24 orduko lan uztea proposatu dute sindikatuek. 1.100 langile daude greba egitera deituta.


2017-11-09 | ARGIA
Milioika webgune erori dira OVH enpresan izandako arazoengatik

Ostegun goizean hainbat webgune zerbitzu gabe egon dira, tartean ARGIArena. OVH enpresak izandako arazoengatik gertatu dira erorketak.


Amazon: lan prekarietatearen abangoardian?

Polemika piztu du joan den asteburuan Amazoni buruz The New York Times egunkari estatubatuarrean argitaratutako artikuluak. Korporazioaren langileekiko enpatia falta eta lan baldintza kaxkarren inguruan hitz egiten du.


Eguneraketa berriak daude