“Alerta gorria” Nafarroan, berdintasun politiketarako laguntzak %66 murriztu direlako
Nafarroako Gobernuak berdintasun planetarako udalei emandako laguntza %66 murriztu du 2011an legealdia hasi zuenetik. Nafarroan mota honetako gizarte-politikak arriskuan daudela ohartarazi dute EH Bilduko Bikendi Bareak eta Aralarreko Asun Fernandez de Garaialdek eta Xabi Lasak.
Bikendi Barearen esanetan, Nafarroako Gobernua beti harro agertu da berdintasun politikak bultzatzeaz, baina datuen arabera, azken urteetan beherakada “ikaragarria” izan da: 2011n 542.940 euroko aurrekontua bideratu zen eta aurten %66 gutxiago, 184.906 euro.
Nafarroako gobernuaren Gizarte Politiketako sailak berdintasun teknikariak kontratatzeko laguntza ere murriztu duela azpimarratu du Fernandez de Garaialdek, %23 hain zuzen. 175.392 euro jaso ziren iaz eta 134.906 aurten. Lanpostu horretarako hamar eskari jaso zirela azaldu du, iazko kopuru bera, nahiz eta Berriozar batu eta Zizur Nagusia kanpoan geratu den, zazpi urteko kontratu antzinatasuna gainditzeagatik.
“Alerta laranjatik alerta gorrira igaro gara”, dio Lasak. Berdintasun teknikarien lanaldia erdira murriztu duen udalik badela azaldu du, baita lanpostua mantentzea zalantzan jarri duenik ere.
Horrekin batera, “Nafarroan behin eta berriz helarazi nahi diguten susperraldi ekonomikoaren ikuspegia” politika sozialetan ez dela batere islatzen azaldu du Aralarreko kideak. Krisiaren bukaera faltsua iragartzen ari direla esan du eta ondorioz, Nafarroan klase sozial ahulenen bizi baldintzak kaltetzen ari direla.
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.
Hizkuntza gabeziari lotutako hezkuntza atzerapenak eta premia handiak dituzte Gasteizko Federico Baraibar institutuko ikasleek. Beti baliabidez urri dabiltzala, baina hurrengo ikasturterako Eusko Jaurlaritzak esleituriko baliabidetan murrizketak izango dituztela salatu dute... [+]