Akordioa urrun: beste mahai sektorial ustel bat Osakidetzan
Ordubete baino ez dute eman elkarrekin jesarrita Osakidetzako zuzendaritzak eta sindikatuek, astearterako deituta zegoen mahai sektorialean. Sindikatuak altxatu egin dira, ikusita zuzendaritzak ez duela asmorik aurten egingo den lan eskaintza publikoan 1.014 lanpostu baino gehiagorako deialdia egiteko.
aurre egingo dieten hedabide independenteak
Maiatzaren 12an bezala, bilera hasi eta gutxira utzi dute mahaia sindikatuek. Orduko hartan, eskatu zuten gutxienez hamabost eguneko aurrerapenez bidaltzea gai-ordena eta eztabaidarako materialak, eta ez mahaian jesartzeko unean. Eskari hari men eginez berriro bildu dira alde biak, baina negoziaziorik ez da izan, adostasun eza abiapuntuan bertan dagoelako.
Osakidetzak 1.014 lanpostuko eskaintza egiten du, eta argudiatzen du hori dela uneon legeak baimentzen dion handiena. Sindikatuen iritziz, onartezina da zifra hori, osasun zerbitzuaren gabeziak konpontzeko gutxienez 3.000 lanpostu sortu behar baitira.
Sindikatuek azpimarratu dute Osakidetzak eskainitako lanpostu kopuru horren erdia, 507, barne promoziokoak direla, eta beste erdia langile berriak hartzeko, baina hutsik geratzen diren postuak betetzeko, ez berriak sortzeko.
“Osakidetzako langileen egoera benetan zein den jakin nahi dugu, alegia, zenbat hutsune dagoen egiazki, baina informazio hori ezkutatu egiten digute”, adierazi digu LABeko Edurne Agirrek.
Bilera saiakera amaitu eta berehala, Jose Maria Armentia Osakidetzako Giza Baliabideen zuzendariak prentsaurrekoa eskaini du. Adierazi duenez, 1.014 lanpostuko eskaintza publikoa egin egingo da, “gure erantzukizuna eta betebeharra delako, eta ezin delako gehiago atzeratu”. Armentiak esan du sindikatuek azalpenak eman beharko dizkiotela euskal gizarteari, legeak baimentzen duen lan eskaintzarik handienaren aurka zergatik dauden argitzeko.
Sindikatuak, bestalde, kexatu egin dira bilerako puntu bakarra lan eskaintza publikoa izateagatik, eta azken urtean egin dituzten beste eskariei buruz negozia dadila eskatu dute.
Besteak beste, baja hartzen duten langileen ordezkapenak lehen egunetik egin daitezela nahi dute sindikatuek. Gaur egun zazpigarren egunean hasten da ordezkapena; Osakidetzak laugarrenean hastea eskaini du, baina sindikatuek ez dute onartu.
Halaber, 35 orduko lanaldira itzultzeko eskatzen dute. “Lanaldia luzatzea izan da, hain zuzen, 3.000 lanpostu suntsitzea eragin duena”, azaldu digu Edurne Agirrek.
Hautaketa prozesuetako kudeaketa “geldirik edo kaosean murgilduta” dagoela diote elkarretaratzearen deitzaileek.
Satse Euskadiko Erizainen Sindikatuak deitu du greba, eta udako murrizketek eragindako lan karga arintzeko neurririk ez hartzea leporatu dio Osakidetzari.
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.
Osakidetzak jarritako helegitea ez du onartu Euskadiko Auzitegi Nagusiak. Azaroan gelditu egin zuen Gurutzetara lekualdatze prozesua Arabako epaitegi batek.
Zuzendaritza ospitale barruko kideez osatzea, mahai teknikoa osatzea langileen ordezkaritzarekin, "behetik gorako" lan ebaluazioa, langileen egonkortzea eta Onkologikoaren hitzarmen berriaren inguruan azalpenak jasotzea. Bost puntu horietan ardaztu dituzte... [+]
Osakidetzako sindikatu guztiek bat eginda, SATSEk, ELAk, LABek, SMEk, CCOOk eta UGTk deialdi bateratua egin dute abenduaren 22an zentro guztien atarian biltzeko. Opor garaiaren ondoren, protestak kalera eramatea ere aurreikusi dute.
Gidoi itxi-itxiarekin agertu da Osasun sailburua Legebiltzarrean, Donostia Ospitaleko egoeraren berri era xeheagoan ematera berez, baina galdera guztiak saihestu egin ditu. Oposizioko alderdi guztiek etengabe salatu dute lotsagarria eta larria dela jarrera hori izatea, eta... [+]
Minbiziaren aurka egiteko CAR-T terapia abian jarriko du Osakidetzak urte eta erdi barru; non eta Donostia Ospitalean soilik eskainiko da zerbitzua. Horregatik, zentroak erreferentzia galdu baino, irabazi egingo duela jakinarazi du Sagarduik. Dena den, oposizioko... [+]
Eguerdian iragarri dute erabakia, “elkarrizketan aurrera pausoak” ematen ari direla argudiatuta.
Politika egin eta Jaurlaritza edota EAJri min egitea ez dela osasun langileen asmoa, eta gatazka hau ez dela zentroen arteko lehia ere adierazi du Felix Zubia Donostia Ospitaleko ZIUetako buruak Euskadi Irratian.
Onkologikoa Osakidetzan saretu nahiak zeresana du kargugabetze, dimisio eta protesta olde honetan. Osakidetzaren jarrera "zentralizatu eta bertikala" salatu dute Donostia Ospitaleko profesionalek, uste baitute ez dela entzuten beraien iritzia zerbitzua kudeatzeko... [+]
Azken egunotan larriagotu egin da Osasun sistemako profesionalen eta zuzendaritzaren arteko talka. Donostiako Ospitaleko 28 zerbitzuburuk gutun ireki bat sinatu dute eta salatu zuzendaritza taldeak funtzionatzeko modu inposatzailea darabilkila luzaroan. Gainera, komunikazio... [+]