Akordio izpirik ez Tubacexeko langileen eta zuzendaritzaren artean
Asteazkenean bildu ziren beharginak Aiaraldeko multinazionaleko buruekin. PWC aholkularitza enpresako kideekin bertaratu ziren enpresako ordezkariak zitara.
Asteazkenean egin zen Tubacexeko langileen eta zuzendaritzaren arteko laugarren bilera. Aurreikusi bezala, ez zen inolako akordiorik erdietsi. Sindikatuek iragan osteguneko mobilizazio jendetsuan aurreratu zuten ez zutela negoziatzeko baldintzarik ikusten, enpresak mahai gainean jarri dituen aukera bakarrak soldatak murriztea edo jendea kaleratzea direlako.
ELAk ohar batean laburbildu ditu bileran jazotakoak. “Ez dugu uste Tubacexeko egoera langileei horrelako ahaleginak eskatzeko modukoa denik”, nabarmendu du sindikatuak, eta salatu du zuzendaritzak ez duela etorkizunera begirako “berme, itzulgarritasun edo plan industrialik” aurkeztu. “Ez zaigu batere serioa iruditzen eta horregatik berriz egin diogu uko eurek zuzendutako zerbait negoziatzeari”.
PWC aholkularitza enpresa
Zuzendaritzako kideak ez ziren bilerara bakarrik joan. PWC aholkularitza enpresako kide bat bertaratu zen eurekin eta Tubacexeko merkatuaren etorkizuna gordina zela baieztatu zuen. “Bitxia da, esan digute enpresa hori izango dela hau guztia Enplegua Erregulatzeko Espediente batean amaitzen bada memoria teknikoa osatuko duena. Erabateko objektibitatea! Eta ez die lotsa ematen hau guztia bazekitela esateak, ez dela COVID-19aren kontua, denok dakigunean Esmorisek (Tubacexeko aholkulariak) duela gutxi esan zuela errekorrak apurtzeko eta merkatuan ondo posizionatzeko helburua dutela. Dena dira kontraesanak”, salatu du ELAk.
Sindikatuaren arabera, Tubacexeko zuzendaritzak beste bi gauza aipatu zituen bileran: eskualdeko lantegiak errentagarriak ez direla eta petrolioaren etorkizuna oso zaila dela, orain energia berriztagarrien aldeko apustua egiten delako. Horren aurrean, sindikatuak hainbat “egi” jarri ditu mahai gainean: multinazionalak milioi asko irabazi dituela azken urteetan, kutxan 100 milioi euro dituela, zorra kitatzeko gaitasuna duela eta baduela lan karga nahikoa langileak zein aldi baterako 150 beharginak okupatuta izateko.
Gauzak hala, plan industriala exijitu dute ELAko kideek, zuzendaritzak eskualdeko lantegiei begira dituen asmoen berri eman dezan, “bestela dena mugimendu espekulatzaile bat dela pentsatuko dugu”. Era berean, eskerrak eman dizkiete berriz eskualdeko herritarrei, iragan osteguneko mobilizazioan emandako babesagatik: “Gure arazoari ikusgarritasuna emateko lanean jarraitzen dugu”.
Zuzendari nagusiak eta zuzendari editorialak egindako jazarpena salatu dute enpresa batzordeak eta ELA sindikatuak.
Basauriko Bridgestoneren zuzendaritzak astelehen arratsaldean eman du pneumatiko lantegian enplegua erregulatzeko txostenak eragingo liekeen langileen kopuruaren berri: 232 behargin geratuko lirateke kalean, 335 beharrean. Horrez gain, ekoizpena handitzeko eta kalte ordainak... [+]
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
Steilas, LAB, ELA eta CCOO sindikatuek deitutako greba astearen atarian dator Hezkuntza Sailaren mugimendua. Ostegunean bilduko dira sindikatuak eta Hezkuntza Saila, bertan ezagutaraziko du sailak proposamen zehatza, baina zenbait eduki aurreratu ditu asteartean Begoña... [+]
Pneumatikoen multinazionaleko langileek elkarretaratzea egin dute astelehenean, Japoniak Madrilen duen enbaxadaren aurrean. Sindikatuek enpresarekin izan duten bileran, zuzendaritza prest agertu da kaleratutako beharginen kopurua murrizteko eta kaleratze horien kalte ordaina... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
ARGIAren efemerideen kanalean topatu dut berri zaharra: 1918ko apirilaren 23an, Irlandako langileek greba orokorra egin zuten I. Mundu Gerrarako derrigorrezko erreklutamenduaren aurka. Langileen eta independentziazaleen erantzunari esker, Britainia Handiak atzera egin behar izan... [+]
“Gabezia guztiekin ere, sindikatuek gizateriaren alde inoiz egon den beste edozein giza erakundek baino gehiago egin dute. Duintasunari, zintzotasunari, hezkuntzari, ongizate kolektiboari eta giza garapenari beste edozein pertsona-elkartek baino gehiago lagundu... [+]
Sindikatuek agerraldi eta salaketa publikoak egin dituzte astelehenean, Nazioarteko Lan Osasunaren Egunean. Hego Euskal Herrian iaz zenbatu zituzten 64 hildakoen gorpuak irudikatu dituzte LABek, ESK-k, STEILASek, EHNEk, Etxaldek eta CGTk Iruñean eta Donostian.
Urtarrilaren 29an, gaur egungo mundu berekoi honetan ohituta ez gauden zerbait gertatu zen Laudioko Guardian lantegiaren atarian. Zuzendaritzak hango labea itzaltzeko asmoa erakutsi zuen, eta horri aurre egiteko, langileek atea blokeatu zuten pankarten bidez. Baina ez zeuden... [+]
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]