Akitania Berrian, Rousset sozialista indartsu bigarren itzuliari begira
Alain Rousset Akitania Berria eskualdeko Kontseiluko presidentea nagusitu da lehen itzulian, botoen %28,84 bildurik. Alderdi Sozialistako hautagaia da eta 1998az geroztik du eskualdeko presidentearen aulkia atxikitzen. Eskualde mailako hamabi departamenduetan lortu du lehen kokatzen.
2015ean bezala, aldi honetan ere eskuin muturra ukanen du parean, azken hau bigarren ateraturik ekainaren 20ko hauteskundeetan. Rassemblement National alderdiko Edwige Diazek %18,21 eginik, bigarren itzulira pasatzea lortu du (nahiz eta zundaketek aurkakoa aurreikusi, 2015ean baino emaitza txarragoak egin ditu eskuin muturrak Akitania Berrian).
Bigarren itzulira aurkezteko aukera dute %10eko langa gainditzen dutenek. Hori horrela, Martxan-Modem koalizioa (%13,71), eskuineko Errepublikanoak alderdia (%12,46) eta Europe Ecologie hautagai ekologista (%12,08) gelditu daitezke lehian.
Beste behin ere, Roussetek bidea nahiko erraza dauka, ikusirik eskuineko hautagaiek zailtasunak dituztela elkartzeko. Alderdi Sozialista eta Europe Ecologie negoziaketetan dabiltza, aurrekoan bezala gehiengoa osatzeko helburuarekin.
Parte-hartze biziki apala izan da (%35,91) eta bigarren itzulirako ere abstentzio handia aurreikusia da.
Ipar Euskal Herrian ezkerra nagusi
Alderdi Sozialista atera da lehen Ipar Euskal Herrian, botoen %25 inguru bilduz eta bigarren kokatu dira ekologistak (%15 inguru). Beste aldean, eskualde mailan baino emaitza txarragoak bildu ditu eskuin muturrak Pirinio Atlantikoetako departamenduan: Alain Roussetek bozen %29,75 eta Edwige Diazek %13,50. Parte-hartzea ere pixka bat altuagoa izan da Pirinio Atlantikoetan: %38,59.
Abertzaleek ez dute hautagairik aurkeztu aurten, ez eta ere sostengurik adierazi.
Protesta eguna da gaur Ipar Euskal Herrian eta Frantzian, François Bayrou lehen ministro ohiak egindako aurrekontu proposamenen aurka altxatu dira gizarte eragileak. Goizean goizetik, Baionako sarrerako biribilgunea blokatzeari ekin diote. Jada hogei manifestari atxilotu... [+]
Euskalgintzako hainbat eragile Baionako karriketara atera dira EEPren finantzaketaren inguruko kezkak agertzeko. 2017tik izozturik den aurrekontuaren aurrean, Frantziako Estatuak iragarritako 100.000 euroko igoera "trufa" gisa salatu dute.
Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Pantxoa Bimboire Haritxelar, Ipar Euskal Herriko Eusko Alderdi Jeltzaleko arduradun berria da azarotik. Ipar Euskal Herriko ekonomia munduko pertsona ezaguna da.
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
.jpeg)
«Argizko idazkun digitalak debekatu» lelopean, Aturri aldeko Stop Pub kolektiboak bederatzi proposamen plazaratu ditu, Tokiko Publizitatearen Araudia eztabaidan delarik momentu honetan.
Uda aurretik, irakasle talde batek ekimen bat jarri zuen martxan ikasleek proba euskaraz erantzun ahal izateko. Kazetak adierazi duenaren arabera, orain gertatutakoa ikertzeko prozesua zabalik dago.
Politikari zentrista ezaguna, 1986tik 1991ra Departamendu kontseilari izan zen, 1991tik 2014ra Miarritzeko alkate eta Frantziako senatari 1992tik 2011ra. 86 urte zituela zendu da abuztuaren 21ean, infartu baten ondorioz.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ekainaren 30ean, lehen itzulian, 11.000 boto eskas gehiago lortu zituen Fronte Herritar Berria koalizioak Batasun Nazionalaren aldean. Orain, 30.000 boz atera dizkio. Parisera joango diren hiru hautesbarrutietako ordezkariak Fronte Herritar Berrikoak izanen dira.