Aitzol Gogorza preso gaixoaren aldeko mobilizazioak egin dituzte asteburuan Errenterian
Aitzol Gogorza presoaren egoera salatu eta irtenbide bat eskatzeko hainbat mobilizazio egin dituzte asteburu honetan Errenterian. Aurreko astean lau eguneko baraualdia egin zuen presoak, 100.2 artikulua aplikatu eta zigorra etxean bete dezan eskatzeko.
Larunbat eguerdian Sarek deitutako elkarretaratzea egin zuten Herriko Plazan. “Aitzol etxera! 100.2 art. orain” deialdiarekin ehunka pertsonak egin zuten bat. Sarek galdegin zuen ea estatuak zergatik ez duen bere legea betetzen, eta 100.2 artikulua aplikatzeko eskatu zuen. Neurri horrek espetxealdi arindua ekarriko lioke Gogorzari.
Igandean, berriz, Amnistiaren aldeko eta Errepresioaren kontrako mugimenduak manifestazioa egin zuen, eta horretan ere ehunka pertsona bildu ziren. 17:30ean abiatu zen manifestazioa udaletxetik, eta Gogorza eta gainontzeko preso gaixoen askatasuna eskatu zuen.
Gogorzak nahasmen obsesibo konpultsiboa pairatzen du eta laguntza psikiatrikoa behar du. 19 urte daramatza preso, eta horietan bi odolbildu izan ditu eta 27 aldiz eraman behar izan dute erietxera.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"