Aitor Zelaia eta Galder Barbadori lau urteko espetxe zigorra berretsi die Espainiako Auzitegiak
Espainiako Auzitegi Nazionalak lau urteko espetxe zigorra berretsi die bi gazte arabarrei, defentsaren eta fiskaltzaren errekurtsoak aztertu eta hilabete geroago. ANkerkeria Stop plataformak indarrak biltzeko deia egin du.
2021eko otsailaren 22an, Auzitegi Nazionalak lau urteko espetxe zigorra, urtebeteko zaintzapeko askatasuna eta hamar urteko inhabilitazioa ezarri zizkien Aitor Zelaia eta Galder Barbado gazteei, "helburu terroristarekin lehergailuak egiteko elementuak" gorde izana egotzita.
Fiskaltzak zortzi urteko espetxe zigor eskaerari eutsi zion, baina helegitean defentsako abokatuek absoluzioa eskatu zuen. Apirilaren 26an bildu ziren epaileak errekurtsoa aztertzeko. Hilabeteren ondoren, ANkerkeriari Stop plataformak jakitera eman du Espainiako Auzitegi Gorenaren epaia: lau urteko espetxe zigorra berretsi die Zelaia eta Barbadori.
2021ean Argiak elkarrizketa egin zion Galder Barbadori, eta akusazioaren oinarrian den Ertzaintzaren txostenak "militantzia politikoa" zigortu nahi duela salatu zuen.
"Espainiako Justiziak Ertzaintzak prestatutako prozesu honi espero genezakeen amaiera eman dio, eta beste behin ere, euskal jendarteari ulergaitza egiten zaion guda eta errepresio politikari eutsi diote", adierazi du plataformak. Era berea, indarrak biltzeko eta datorren astean iragarriko dituzten deialdietara adi egoteko deia egin dute.
Prentsaurrekoa eskaini zuen atzo ANkerikeriari STOP plataformak, Galder Barbadoren eta Aitor Zelaiaren epaiaren aurrean jarritako ebazpenei Auzitegi Gorenak emandako erantzuna baloratzeko. Bi gazteei lau urteko zigor bana ezarri diete, eta hurrengo egunetan espetxeratuak izango... [+]
Asteazken arratsaldean mobilizazioak egin dituzte Gasteizen, Amurrion eta Agurainen, ANkerkeria Stop ekimenaren deiari erantzunez. Espainiako Epaitegi Gorenak asteazkenean berrikusi ditu bi gazte Arabarren aurkako epaia, eta edozein unetan jakinarazi dezake ebazpena... [+]
Sexu izaerako hainbat eraso egitea egozten diote argazkilariari: abusua, bortxaketa, haur pornografia eta modeloei iruzur egitea. "Soilik baietz da baietz" legea aplikatzeko eskatu du akusatuaren defentsak, baina atzera bota dute.
Dignidad y Justicia elkarteak salaketa jarri du eta Espainiako Auzitegi Nazionalak Jesus Mari Pedrosaren kasua berriro ireki du, ETAren ustezko buruzagi ohien aurka. Epaileak elkarteari hamar ikerkuntzako fidantza bat ezartzeari uko egin badio ere, Guardia Zibilari eta... [+]
Lau urte igaro dira Ertzaintzak Galder Barbado eta Aitor Zelaia gazteak atxilotu zituela. Sei hilabete igaro zuten behin behineko espetxealdian, eta 2021ean Audientzia Nazionalak lau urteko espetxe zigorra ezarri zien. Poliziaren jazarpenak baldintzatutako egunerokoan, bi... [+]