Aitor Arregiren “Zarautzen erosi zuen” garaile Lekeitioko Zine Bilera indarberrituan
Aitor Arregik arlo profesionaleko zuzendari eta film onenaren sariak eskuratu ditu aurtengo 37. Euskal Zine Bileran, Zarautzen erosi zuen pelikulari esker. Arlo amateurrean, Unai Garateren Ordu erdi izan da irabazlea.
Zinemaz gain, antzerkia, dantza eta kabareta uztartu dituen amaiera ekitaldian, Nestor Basterretxea artista omendu dute. Banatutako beste garaikur batzuk honakoak izan dira: zuzendari amateur onena, Aitor Gametxo (Bere bizitzetako bat); ekoizpen onena, profesionaletan Kote Camachoren Don Miguel eta amateurretan Ainhoa Garciaren Anonymous; gidoi onena, Kepa Errasti profesionaletan (Aitona Mantangorria) eta Joxeak Coyak amateurretan (Ataraxia); argazki onena, Asier Altunaren Soroa profesionaletan eta Julen Agirreren Oiartzun amateurretan; genero gaiari ongien heldu diona Anonymous; eta Gazte 22 saria, Itsaso Etxebarria (Positibatzea).
Juanba Berasategi buru, Edurne Gonzalez Ibañez, Ramon Agirre, Mikel Losada eta Kontxa Elorzak osatu dute epaimahaia.
Bilera izaera indartzen
Euskal Zine Bilera biziberritzeko antolatzaileek abiatu dituzten ekimenen artean, jaialdiaren bilera izaera indartzea izan da berrikuntza nagusietakoa. Hala, Berbaldia egin zuten klausura egunean. Batetik, pelikula bat bere osotasunean baloratzen laguntzeko, euren ikuspegia eman zuten Begoña del Teso zine kritikariak eta Aitor Arregi eta Ane Muñoz zinegileek. Bestetik, Josu Martinezek hitzaldia eskaini zuen, euskal gatazkak zineman izan duen eta duen lekuari buruz. Hurrengo urteetarako, apustu honetan sakondu eta euskal zinemari eskainitako topagunearen protagonismoa handitu nahi du Lekeitioko Udalak.
Ondorengo argazkietan, Aitor Arregi, Unai Garate eta Ainhoa Garcia saria jasotzen; Mikel Basterretxea Nestorrren semea omenaldiaren unean; eta taldeko argazkia (argazkiak: Gari Garaialde / Bostok Photo).
.jpg)
Ikusi Zarautzen erosi zuen film laburraren trailerra:
Zarautzen erosi zuen (Trailer) from Moriarti on Vimeo.
Astelehenean jakinaraziko dituzte ordutegiak, eta hilaren 14an, igandean, jarriko dituzte salgai lehen egunetako sarrerak. 254 film egongo dira ikusgai, 56 herrialdetakoak.
Zinemagile iruindarrak, ibilbide labur baina baliotsua egin zuen zinemagintzan 1970eko eta 1980ko hamarkadetan, zuzendari lanetan emakumerik apenas zebilenean. Irrintzi lanarekin garai hartako errepresioa islatu nahi izan zuen, eta Ikuska proiektuan euskal emakumeak erretratatu... [+]
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
Jose Manuel Gorospe Meagas aktore eta kultur ekoizle donostiarra zendu da, 81 urterekin, Madrilen. Bizitza osoa antzerkiarekin eta ikus-entzunezkoen munduarekin era batera edo bestera lotuta pasatu zuen Gorospek, eta, besteak beste, Euskadiko Filmategiaren sortzaileetako bat... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Chantal Akerman zinegile eta lankidea hil eta hamar urtera, haren ondarea zabaltzen buru-belarri jarraitzen du Claire Atherton muntatzaileak. Gaurkoan, ordea, Athertoni bere ibilbideaz galdetu nahi izan diot bereziki. Gasteizen, Artium museoko areto batean hartu gaitu,... [+]
30 urte baino gehiago daramatza Zero Chou zinemagile taiwandarrak istorioak kameraren atzetik kontatzen, bai zinemarako, bai telebistarako. Aurten, Zinegoak jaialdiaren 22. edizioko ohorezko saria jaso du.
Bilboko LGTBIQ+ zinema eta arte eszenikoen Zinegoak jaialdiak 2025eko edizioko sariak iragarri ditu. Between Goodbyes eta Alma del desierto dokumentalak izan dira palmaresaren irabazle nagusiak.
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
'Ehun metro', Zergatik panpox', 'Hamaseigarrenean aidanez' eta 'Oraingoz izen gabe' dira zaharberritzen ari diren lanak. Zinemaldiko Klasikoak sailean ikusi ahalko dira.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
