Airbnb enpresak 1.900 langile kaleratu ditu, plantilla osoaren %25a

  • Pandemiak gogorren jo duen sektoreetako bat izan da turismoa. Denborazkotasunak markatutako sektorea da, eta pandemiak oraingo erreserbak bertan behera uzteaz gain, etorkizuneko negozioak ere baldintzatuko ditu. Gauzak horrela, Airbnb etxeen alokairuko enpresa erraldoiak bere mundu mailako langileen laurdena kaleratu du, gastuei aurre egin ezinda.

Airbnbren aplikazioa. Argazkia: Vozpópuli.

2020ko maiatzaren 06an - 11:35

7.500 langile izan ditu orain arte Airbnb-k mundu osoan. Orain laurdena, 1.900, kaleratu egin ditu pandemiak eragindako egoera kausa nagusitzat aurkeztuz. 2020rako dituzten aurreikuspenak iazkoen erdia dira eta ondorioztatu dute langileen plantillan funtsezko aldaketak egin behar dituztela krisiari aurre egiteko.

Ziurgabetasunez betetako mezua zabaldu du Brian Chesky enpresako zuzendari exekutiboak: “Ez dakigu noiz bueltatuko diren bidaiak, eta bueltatzean desberdinak izango dira”. Lehen egiten zuten guztia orain egitea ezinezkoa dela gehitu du.

Zenbait zerbitzu bertan behera utziko dituela adierazi du, garraio zerbitzuak eta Airbnb Studios adibidez. Lehenengoa bidaiariak alokatutako etxeetara eramateko zerbitzua da; Airbnb Studios berriz, bidaiariak erakartzeko ikus-entzunezko piezen ekoizpena da; leku horiek erakargarri bihurtzeko asmoz sortua. Gainera, plataformak bere luxuzko eskaintzak ere gutxituko dituela adierazi du.

Plantillakoak ez diren langileak

Bere langileen laurdena kaleratu duela adierazi du enpresak; baina lan zama handiena etxeen jabeek eta horiek zaintzen dituztenek jartzen dute. Zazpi milioi etxe baino gehiago eskaintzen ditu Airbnb webguneak, eta etxe horien jabeek eta beren zaintzan dabiltzanek pairatuko dute are zuzenago enpresaren krisia.

Horiek ez dira enpresaren plantillan sartzen, eta beraz, ez dira langabe bezala kontabilizatzen. Baina lanik gabe geratutakoak ez dira 1.900 erregulatu horiek bakarrik izango; etxeak iragartzen dituzten beste zazpi milioi horietako asko ere izango dira. Enpresak 250 milioi dolarreko funtsa iragarri du, erreserbak bertan behera geratu zaizkien jabeei kalte-ordain gisa irabaztea aurreikusi zutenaren zati bat ordaintzeko.


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude