ARGIA.eus

2022ko urtarrilaren 24a
Nazioarteko jardunaldiak

Aieteko Adierazpenetik 10 urtera, zer ikasi dugu eta zein erronka daude bakerako bidean?

  • Urriaren 17an beteko dira Euskal Herriko Gatazka Konpontzeko Nazioarteko Konferentzia egin zela Aieteko jauregian, Donostian. Urteurren horren kari, nazioarteko jardunaldiak antolatu dituzte hainbat eragilek, "bakeak Euskal Herrian eta mundu zabalean dituen erronkei laguntzeko asmoz".

Urko Apaolaza Avila @urkoapaolaza
2021eko irailaren 09a
2011ko Aieteko Adierazpena mugarri izan zen Euskal Herriko gatazkaren konponbidean aurrera egin ahal izateko (argazkia: Dani Blanco)

Duela hamar urteko testuingurua eta gaurkoa ez direla berdinak onartuta –eta besteak beste bizi dugun pandemia globalak bakea bilatzeko ahaleginei ere eragin diela jabetuta–, Aieteko Adierazpena egin zenetik hona izandako irakaspenak ezagutu eta "pandemiaren osteko mundu berri honetan bakearen arloak dituen erronkak" aztertzeko nazioarteko jardunaldiak egingo dituzte, urriaren 14an eta 15ean Donostian, Aieteko jauregian bertan eta Kursaalen, Aietek 10 urte. Irakaspenak eta erronkak goiburupean.

Jardunaldiok Concicliation Resources eta Berghof fundazioek sustatu dituzte, konferentzia historiko hura antolatu zuten erakundeetako bik, baita urteotan Euskal Herrian bakearen alde eta gatazkaren konponbidea lortzeko zereginean dabiltzan Foro Sozialak eta Bake Bideak ere. "Konferentziaren helburu nagusiak honako hauek dira: euskalbake prozesuaren irakaspenak balioestea, bakearen eraikitze prozesuari dagozkion oztopoak eta aukerak aztertzea eta gatazkak konpontzeko erronka globalez hausnartzea", azaldu dute aurkezpenean.

Aieteko Adierazpenak "agertoki berri baterako bidea" ireki zuela gogorarazi dute antolatzaileek, eta honen ostean izandako Kolonbiako bake prozesuarekin, "XX. mendeko gatazkarik zaharrenetakoak" eraldatu egin zirela. Eraldaketa horretan lorturiko aurrerapenak eta oraindik gelditzen diren oztopoak gogoratzeko baliatuko dituzte jardunaldiak.

Jonathan Powell, Brian Currin, Martin Griffith eta beste hainbat ospe handiko izen ageri da egitarauan. Biktimen inguruan ere hitz egingo dute hainbat aditu eta lekukok, eta azken mahai-inguran Juan Jose Ibarretxe eta Quin Torra Eusko Jaurlaritzako eta Kataluniako Generalitateko lehendakariak arituko dira, Amalur Álvarez eta Jordi Cuixarrekin batera.

Aurkezpenaren bideoa osorik, Foro Sozialaren Youtubeko kanalean:


Euskal bake prozesua kanaletik interesatuko zaizu...
Euskal presoen aldeko 200 mobilizazioak
Paris mugiarazteko ekintzak iragarri dituzte Iparraldean eta salbuespen politikak amaitzeko exijitu Hegoaldean

Dozenaka milaka lagun atera dira kalera larunbatean euskal preso politikoen eskubideen alde. Pandemiak baldintzatuta, Hegoaldean 200 herritan mobilizazioak egin dituzte Sarek deituta, eta Baionan hiru zutabetan egin dute protesta Bake Bideanek antolatuta. Sarek beste behin... [+]


Desmond Tutu apartheidaren kontrako sinboloa hil da

Hegoafrikan segregazio arrazistaren kontra borrokatu zuen Desmond Tutu artzapezpikua 90 urterekin hil da Lurmuturreko Hirian. Bakearen Nobel Saria jaso zuen 1984an, apartheida ezabatzeko egindako lanagatik. Hegoafrikako Gobernuak astebeteko dolu ofiziala iragarri du eta mundu... [+]


2021-12-07 | Leire Artola Arin
Bakegileek fase berri bat abiatuko dute urtarrilaren 8ko manifestaziotik aurrera

Ekintza “indartsuagoak eta determinatuagoak” iragarri dituzte, euskal presoen auziaren konponbidean Frantziako Gobernuaren “borondate eza” ikusita.


Navarra Sumak barkamena eskatu die Zabalza, Arregi eta Rodriguezen familiei

Foro Sozial Iraunkorrak agerraldia egin zuen asteazken honetan Nafarroako Legebiltzarrean, ETAk borroka armatua amaitu zuenetik egundainoko balantzea egiteko, eta aurrera begirako erronkak azpimarratzeko. Testuinguru horretan egin zuen autokritika UPNko parlamentari Iñaki... [+]


2021-10-18 | ARGIA
Ezker independentista, ETAren biktimei: “Gure egiten dugu mina, ez zen inoiz gertatu behar”

Adierazpena egin du euskal ezker independentistak, Aieteko Adierazpenaren eta ETAren indarkeriaren amaieraren 10. urteurrena dela-eta. Arkaitz Rodriguezek eta Arnaldo Otegik irakurri dituzte hausnarketak. ETAren indarkeriak eragindako biktimei aipamen berezia egin diete, eta... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude