Aiaraldeko enpleguaren defentsan konpromisoak hartzea exijitu diote Tubacexeko langileek Eusko Jaurlaritzari
Bilbon mobilizatu dira ostegunean Tubacexeko langileak. Eusko Jaurlaritzaren atarira eraman dute protesta, bertan prentsaurrekoa eskaini baitu Enpresa Batzordeak. Enplegua bermatzeko neurriak exijitu dizkiete erakunde publikoei.
Greba mugagabearen 78. eguna dute ostegunekoa Tubacexeko beharginek, eta aldarrikapenak Bilbora eraman dituzte. Manifestazioa egin dute EITBren eraikinetik abiatuta Gran Via kaleko Eusko Jaurlaritzaren bulegoetaraino. Bertan, agerraldia eskaini du Enpresa Batzordeak.
Mezu zuzena helarazi diote Eusko Jaurlaritzari eta Arantxa Tapia sailburuari: Aiaraldeko enplegua bermatzeko neurriak abiatzea. Bide beretik, dei egin diete ere Aiaraldeko alkateei eta Arabako Ahaldun Nagusiari, Tubacexek eskualdean diteun lantegien etorkizuna defenda dezaten.
"Ez dago kaleratu eta kaleratu gabeko langileen arteko desberdintasunik, talde bakarra gara gure etorkizunaren alde borrokan" adierazi dute enpresa batzordeko ordezkariek Eusko Jaurlaritzaren aurrean egindako agerraldian. Batasun irudia helarazi dute. "Tubacexen ez dago inor soberan!" esanez amaitu dute hitzartea Edu Ibernia eta Joseba Terreros ordezkariek.
Ertzaintzaren jokabidea
Ertzaintzak greba mugagabean izan duen "neurrigabeko" jokaera salatu du Enpresa Batzordeak. Hain zuzen ere, eztabaida piztu da manifestarien eta polizien artean, mobilizazioko une batean Brigada Mugikorreko agenteak Sabino Arana etorbidean furgoi polizialetik jaitsi direnean. Beharginek "probokaziotzat" jo dute Ertzaintzaren gehiegizko presentzia.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]