500 urteko baserria eraitsi dute Abadiñon AHTri lekua egiteko
Alarma egoeran egonik ere, aurrera doaz AHTren lanak. Aste betean bi eraikin eraitsi dituzte Durangaldean: Atxondoko maisuen etxea eta Abadiñoko Mendilibar-erdikoa baserria.
Duela hamarkada bat pasa hasi zituen Espainiako Adif (Trenbide Azpiegitura Administratzailea) erakundeak Durangaldeko hainbat lurren desjabetze lanak, AHTaren bidea egin ahal izateko. Aste honetan, alarma egoeraren erdian, desjabetutako lur horietan zeuden bi eraikin bota dituzte makroproiektuaren obrek: Atxondoko maisuen etxea eta Abadiñoko Mendilibar-erdikoa baserria.
Asteartean eraitsi zuten Atxondoko maisuen etxea, berau dagoen tokian 1,6 kilometroko biaduktua egiteko asmoa dute.
Zenbait ekintzailek adreiluz hormatu zuten maisuen etxea otsailaren 28an, Atxondoko Udalak AHTri "alfonbra gorria" jartzen diola salatzeko egindako protesta ekintzaren barruan. "Herriarentzat ez bada, herria txikitzeko asmoz datozenentzat ez dadila izan", egin zuten irakurketa.
Ekintza bideoan jaso zuten:
— Atxondo_AHTrik_Ez (@AtxondoAHTrikEz) March 3, 2020
Ostegunean, berriz, Abadiñoko Mendilibar-erdikoa baserria eraitseko lanak hasi dituzte. Bertan jaiotako Roberto Arteagak Anbotori jakinarazi dionez bere garaian alegazioak jarri zituzten. Alabaina, duela zenbait hilabetetatik hutsik zegoen baserria.
Ondare historikoa dauka eraiste bidean den Mendilibar-erdikoak. Arteagak jakinarazi duenez, baserriak 500 urte ditu Gasteizko enpresa batek egindako ikerketaren arabera. “Beharbada jende batek pentsatuko du hau guztia pisu bateko etxebizitzaz aldatzea bezala dela. Niretzat, baina, ez da horrela”, adierazi dio Anbotoko Ekaitz Herrera kazetariari.
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Abiadura Handiko Trenaren kontrako plataformak astelehenean jakinarazi zuen Espainiako Gobernua eta Nafarroakoa egiten ari diren zundaketa kanpainak ez duela etenik. Izurdiagan eta Otsobin herri mugimenduak lortu zuen geldiaraztea legezkoak ez ziren eta baimenik gabe abiatu... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]