AHTren aurkako pintaketak egin dituzte Nafarroako lanen eremuan
Erriberri eta Martzilla artean burutu dituzte nagusiki, eta Mugitu! mugimenduak aldarrikatu ditu.
Ohar baten bidez jakinarazi eta aldarrikatu ditu pintaketak AHTren aurkako eragileak: “Euskal Herriko inoizko azpiegitura suntsitzaile, xahutzaile eta antisozialenaren inposizioa salatzeko”. EAEko, Nafarroako eta Espainiako agintarien jarrera kritikatu du Mugitu!-k, ingurumenarekiko ardura irudikatu bai, baina aldi berean AHTrentzako milioiak bideratzeagatik: “Pedro Sanchezek, Maria Chivitek eta Arantxa Tapiak zinismo politikoko alarde batean Glasgowko COP 26 bileran parte hartu dute, datorren urtean EAEn 336 milioi euro eta Nafarroan 52 milioi euro xahutzen jarraitzeko proposamena iragarri eta egun gutxira. Horri gehitu behar zaizkio 2026a baino lehen Nafarroako AHTren korridorean xahutu nahi dituzten Next Generation funts europarren ia 150 milioi euroak”.
Hemen pintaketetako batzuen argazkiak:
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.