AHTaren aurka Arabako haranetan ezarritako alegazioei ez diete erantzun
AHTrik Ez Arabako Haranak plataformak salatu du Adif-ek ez diela erantzunik eman herritarrek, udalek eta administrazio batzarrek aurkeztutako alegazioei. Alternatiben alde egiteko deia egin du plataformak.
Espainiako Trenbide Azpiegituren Administratzailearen (Adif) presidente Isabel Pardo de Verak El Correo egunkarian adierazi berri du ebatzita daudela Arabako landa-eremuetan AHTaren ibilbideari ezarri zaizkion alegazio guztiak. AHTrik Ez Arabako Harana plataformak baieztapen hori gezurtatu du.
Herritarrek maila indibidualean alegazioak aurkeztu zituzten. Baita AHTaren ibilbidean dauden udalek eta administrazio-batzarrek ere. Adif-ek alegazio horietako bakar bati ere ez diola erantzunik eman ziurtatu du plataformak. Gogoratu du ere Adif-ek ez zituela kontsultatu tokiko administrazio-batzarrak, nahiz eta horretara behartuta egon. Hori dela eta, uztailean alegazioak aurkezteko epea ireki behar izan zuen berriz ere Sustapen Ministerioak.
Alternatiben alde
Plataformaren esanetan, AHTak diru xahutzea dakar, ingurumena suntsitzen du eta landa-eremua galbidera kondenatzen. Eredua bera ekonomikoki ez dela errentagarria azpimarratzen du ere: "Abiadura handiko korridore bakar bat ere ez da errentagarria”. Alternatiben alde egiteko deia egin du ekimen herritarrak. Esaterako, Europako Kontu Auzitegiak proposatzen duenari helduz, trenbide konbentzionalak egokitzea nahi du AHTrik ez Arabako Haranak plataformak.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]
Hamar euroko billeteak zabaldu dituzte Iruñeko Merkatuan, haien mezuarekin.