AHT gelditzeko eskatu diote Bilbon Iñigo de la Serna ministroari
AHT Gelditu elkarlanak deiturik, herritar multzo batek tren lasterraren obrak gelditzeko eskatu dio Iñigo de la Serna Espainiako ministroari Bilbon. Ministroak parte hartu behar zuen Correo hedabide korporazioak eta BBVA bankuak antolatutako forum batean.
Atarian zain zeuzkan AHT Gelditu elkarlaneko ekintzaileak, eskatuz Euskal Y delako obra geratu dezala: "Eraikuntza honetan nahiz eta ia aurrekontuaren erdia gastatu, ez da arrazoia obrak egiten jarraitzeko". Bertan irakurri eta hedabideetara zabaldu duten agirian oroitarazten dute AHTa ez dela errentagarria izango, zenbait ikerlarik erakutsi duten moduan.
"Abiadura Handiko Trenari ez diogu uko egin behar –diote agirian– arlo ekonomikoetan bakarrik, baita alor ekologiko eta gizarte arloetan ere. Eraikuntza beraren ekologiaren arrastoak inoiz ez dira ordainduko. Lurzoruaren okupazioa oso nabarmena da, 3.000 hektareatik gorakoa da, lurralde eta udal asko zatituko baititu. Gutxiengo dirudunentzat bideratuta dago, eta ez guztion onurarako".
Ministroarentzat ez ezik, Iñigo Urkullu lehendakariarentzat ere badute mezua: "Urkulluri Abiadura Handiko Trena eraikitzeko hitzemandako 3.300 milioi euro behar ditugu, baina ez izugarrizko eta alferrikako obra hau egiteko, baizik eta beste beharrizanak asetzeko, alegia Osasungintza, Hezkuntza eta hainbat giza premia".
Ministroa etorria zen Correo-k eta BBVAk antolatzen duten Expectativas Económicas forumean parte hartzera. Berarekin elkarrizketan aritu ziren EAEko Ogasun sailburu Pedro Azpiazu, Bilboko alkate Juan Maria Aburto, Gasteizko alkate Gorka Urtaran eta zenbait alderdi nagusietako buruak ere, enpresa munduko pertsonalitateekin batera.
Hamar euroko billeteak zabaldu dituzte Iruñeko Merkatuan, haien mezuarekin.
Sakana, Goierri eta Lautadatik igaro da martxa abuztuaren 25etik 27ra, ekimen, kontzertu eta kontzentrazioekin.
Abiadura Handiko Trena eraikitzeko zundaketa geologikoen baimen-eskaeren aurka, hainbat taldek bizikleta martxa antolatu dute Sakanan eta Goierrin. Zundaketek kaltetutako lurraldeak zeharkatuko ditu abuztuaren 25etik 27ra.
Al-TAV-oz eguna antolatu du larunbatean Nafarroako AHTren kontrako mugimenduak Iruñean, datorren larunbatean. Plazara! zentroan egun osoko jardunaldia izango da hitzaldiekin, abiadura handiko trenari buruzko hausnarketa sustatu eta "eztabaidagune bat sortzea"... [+]
2030a aurretik Gasteiz eta Iruñea arteko AHTren tartea eraikitzeko aurreikuspenik ez dagoenez, halakorik ez eraikitzea proposatu du Europar Batzordeak. Berriaren harira, AHT Gelditu! mugimenduak adierazi du abiadura handiko trena gelditzea oraindik posible dela.
Guneak 5.000 metro karratuko azalera hartzen duela iragarri du Nafarroako Gobernuak. Hasierako ikuskapenekin, Bigarren Burdin Aroko piezak izan daitezkeela azaldu dute. Arkeologia lanak laster hasiko dira, baina ez diote AHT eraikitzeko epeei eragingo.
Uztailaren 30etik abuztuaren 1era bitartean egingo dute Bizkaiko herrian. Borrokaz ekidin ezean hilabete gutxiren buruan makinak Atxondoko lurretan sartu daitezkeela ohartarazi dute kanpaldiko antolatzaileek, eta proiektua gelditzea inoiz baino beharrezkoagoa ez ezik posible... [+]
Nafarroako AHT Gelditu plataformak antolatu du eta uztailaren 28tik 30era arte iraungo du. Atxondora heltzean, hiru eguneko akanpada egingo dute.
Ribabellosako Trufaren azoka baliatuz "AHTrik EZ! Arabako Haranak" plataformako kideek elkarretaratzea egin zuten proiektuaren aurkako kontrakotasuna adierazteko. Araba mailan tren sozialaren aldeko sinadura bilketa jarri dute martxan Abiadura Handiko Trenaren aurkako... [+]
Eneko Goia Donostiako alkatearen hitzaldia moztu dute ekintzaileek. Basque Rail Way 2020 jardunaldiak Eusko Jaurlaritzak, Euskal Trenbide Sareak eta Eusko Trenbideak-ek antolatu dituzte.