AHT ez dela beharrezkoa onartu arren, proiektuak aurrera jarraituko duela esan du Italiako Gobernuak
Italiako Gobernuak zilegitasuna eman dio NoTAV kanpainari, argitaratu berri duen txosten baten arabera. Onartu du abiadura handiko trena ez dela beharrezkoa egun lurraldearen ezaugarriak kontuan izanda. Hala ere, proiektuak aurrera jarraituko du.
El Saltok jaso du albistea eta txostenak hasierako aurreikuspenak behar bezala ez egin izana onartzen du. Gainera, duela hamar urteko ezaugarriak oinarritzat hartzea ez dela zentzuzkoa dio. “Duela hamar urte egin ziren ikerketak asmo onez eta Europar Batasuneko ikerketetan oinarrituz egin baziren ere, gauzak aldatu egin dira. Krisi ekonomikoak eragin zuzena izan du eta egun gizarteak beste lehentasun batzuk ditu. Garraioari dagokionez, jendeak segurtasuna, kalitatea eta eraginkortasuna nahi ditu. Hori dela eta, orduko azterketak gutxietsi gabe eta testuingurua asko aldatu dela kontuan izanda, inor ez da harrituko AHTaren proiektuak aurrera jarraituko duela baieztatzen dugunean.”
Noiz okertu ziren planak Turin eta Lyon arteko AHTan? LTF Lyon Turin Ferroviarie enpresak 1999an aurreikusi zuen bi hirien arteko merkantzia fluxua %100ean igoko zela 2000 eta 2010 urteen artean. Beste era batera esanda, hamar milioitik hogei milioi tona garraiatzera pasako zirela.
Mont Blanceko tunelaren itxierak eta tartean izandako zenbait istripuk, aurreikuspenak berrikusteko beharra areagotu zuten, izan ere, beste bideak itxita eta Frejuseko tunela bide eraginkorrena dela ondorioztatuta, bi hirien arteko lotura inoiz baino zuzenagoa zen. Bigarren ikerketa horretan Turin-Lyon arteko lineak Austriako edo Suitzako eskaerak erakarriko zituela kalkulatu zuten, inolako bermerik gabe. Hor dago lehen akatsa: 2005ean 8 milioi tona garraiatzen zituzten eta 2030ean 40 milioi tona izango zirela ondorioztatu zuten oinarri sendorik izan gabe.
Egun hiru milioi tona igarotzen dira Frejuseko tuneletik. Errepide saretik doan kopurua aintzat hartuta, hamahiru milioi tonako fluxua ematen da. Datuok NoTAV plataformarentzat oinarrizkoak izan dira euren borrokari sinesgarritasuna emateko.
Italiako Gobernuak Europar Batasunari egotzi dio errua; bere gain utzi du erantzukizun guztia eta atzera bueltarik ez dagoela dio, obrak ez badira hasi ere. Guztira 8.600 milioiko gastua izango du proiektuak. %40a Europar Batasunak jarriko du, Italiak %34,7 eta Frantzian %25,3. Hau da, Italiak 3.000 milioi euro xahutuko ditu beharrezkoa ez den proiektu batean, berak onartu bezala.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Abiadura Handiko Trenaren aurka bizikleta martxa antolatu du uztaila amaieran AHT Gelditu ekimenak. Nafarroako lurrak zeharkatu zituzten biztanleei trenaren inguruko informazio helaraziz.
AHT-Gelditu!-k antolatuta eta Sakana Trenaren Alde plataformak lagunduta bizikleta-martxa egin zen Martzillatik abiatuta Altsasura arte. Hori baliatuta, Sakana Trenaren Alde plataformak gutun irekia zuzentzen dio Altsasuko Udaleko Alkatea den Javier Ollo jaunari.
Lakuako Gobernuak, bere kontseilari Arantza Tapiaren bidez, jarraitzen du tematuta Euskal Y-a erakitzeko, Europako Kontuen Auzitegiak bere bideragarritasuna oso zalantzan jarri duen arren, esanez “mosaiko ez eraginkorra” eta “iruzur ekonomikoa” dela. Ajuriaeneakoek jarraitu nahi dute zorakeria faraonikoarekin, kontuan izan gabe haren xahutze ekonomiko publikoa, ez politikoki ez herritarren artean sekula eztabaidatu gabea gainera.
AHT Gelditu ekimenak antolatu duen Abiadura Haundiko Trenaren aurkako txirrindula martxa Nafarroako Erdialdea zeharkatu du gaurko egunean. Martzillatik Tafallaraino, Azkoien, Faltzes eta Erriberritik pasatuz, bertako biztanleei proiektu honen inguruko informazio helarazi diete.
Agintariek herritarrei “etorkizunaren” izenean hitz emandako Abiadura Handiko Trenbide sarearen hiru laurden amaitu gabe dago, lehen proiektuak hasi eta ia hiru hamarkada ondoren. Oraindik urteak beharko dituzte zati gehienak amaitzeko eta batzuk seguruenik ez dira inoiz egingo, Ipar Euskal Herrikoa kasu.
60.000 euroko isuna eta urte eta erdiko kartzela zigorra eskatzen zieten Fiskaltzak eta Euskal Trenbide Sareak (ETS). Fiskaltzarekin negoziatzea lortu dute ordea.
Uztailaren 25ean eta 26an epaituko dituzte 2010ean Itsasondoko meategietan giltzapetu ziren AHTren kontrako lau ekintzaileak. Sustengua adierazteko elkarretaratzea deitu dute Donostiako epaitegi aurrean, 25ean 9:00etan.
AHT Gelditu! Elkarlanak Nafarroako Abiadura Handiko Tren korridorearen kontrako bizikleta martxan antolatu du. Ostegunean Martzillatik abiatuko da eta 29an Altsasun bukatuko da. Azken etapa Irurtzun eta Altsasu artekoa da. Astelehenera arte eman daiteke izena ahtrikeznafarroa@gmail.com e-postan edo 628 243 066 telefonoan. Lau egunetarako joaten direnek 40 euro ordaindu beharko dituzte, 25 bi egunerako joaten direnak eta 15 euro egun bakarrean ariko direnek. Horren barruan gosariak, bazkariak... [+]
Espainiako Sustapen ministerioak Euskal Y-aren bigarren zati bat esleitu du Bergarako lotunean, trenbide azkarraren sareak bat egiten duen tokian.
Europako Kontu Auzitegiak txosten etsigarria zabaldu du Europako abiadura handiko trenbide sarearen inguruan (Euskal Herrian AHT, Frantzian TGV, Espainian AVE…).
