'Agur 78' ekimenak Katedral Berriaren plaza hartu du Gasteizen
"Erregimena hausteko" ekimena martxan jarri dute Gasteizen eta akanpada antolatu dute Katedral Berriaren plazan, 1976an hildako langileak agurtu zituzten tokian bertan.
Ekimeneko partaideek sare sozialen bidez egin dute deialdia. "Azken asteetan frankismoaren jarraipena den 78ko erregimena inoiz bizi izan duen krisirik sakonenean murgilduta dagoela argi geratu da" , dio zabaldu duten testuak. Kataluniako gertakariak gogorarazteaz gainera, azaldu dute "apurketa" horrek aldaketa sozialerako baldintzak ere ekarri beharko lituzkeela.
Borroka hori aurrera eramateko 1976an poliziak hildako langileak agurtu zituzten toki bera aukera dute, Katedral Berriaren plaza, hemendik aurrera "Agur 78" plaza gisa izendatuko dutela diote.
Katedral berriko plaza hartu dugu!
Martxoaren 3an erahildako 5 langileei agur esan genien plaza!
78ko erregimena haustera goaz!#agur78
— Agur78 (@agur78) 2017(e)ko urriak 12
Ostegun eguerdian hainbat dozena lagun hurbildu dira dira Katedral Berriaren parera manifestazio zaratatsu batekin. Ertzainekin tentsio uneak ere izan dira, Halabedik argitaratu duenez poliziak pertsona bati identifikatzeko eskatu dionean, borrak ere erabili dituzte ertzainek. Ondoren jendeak normaltasunez ekin dio egitarauari.
Hurbildu zaitezte Katedral berrira!
Erregimena haustear da eta guk ere bultza egingo dugu!#agur78 pic.twitter.com/0oUohMTobU
— Agur78 (@agur78) 2017(e)ko urriak 12
Bi eguneko egitaraua dute antolatuta, ekitaldi, bideo, proiekzio eta mahai-inguruekin; kanpin dendak ere jarri dituzte gaua bertan igarotzeko
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Fermin Muguruza, Gorka Aginagalde, Irantzu Lekue, Bernardo Atxaga, Toti Martinez de Lezea, Juanito Oiarzabal, Blanca Urgell eta Green Valley dira, batzuk aipatzearren, datorren urriaren 6an egingo duten OkupaTU Gasteiz Eguna babestu duten pertsona ezagunetako batzuk. Jendea gonbidatu dute egunean parte hartzera eta Hala Bedik, Gasteizko Gaztetxeak, Auzolana Pilotalekuak eta Errekaleorrek eskainitako agertokia eskertzeaz gain, Udalaren debekua "zentsura" gisa definitu dute.
Elkarteak 1.243 euro itzuli beharko dizkio Gasteizko Udalari astelehen honetan udalak erabaki duenez, elkarteak bere aldizkarian auzoko hiru presori buruzko artikulua argitaratzeagatik, eta udalaren esanetan “terrorismoaren biktimentzat iraingarria" zelako.
Okupatu Gasteizeko kideek Okupatu Gasteiz Egunera gerturatzeko deia mantendu dute, debekua “zentsura politikotzat” jo eta Gasteizko Udalaren jarrera salatu dute.
Hilabeteetako jazarpenaren ostean, Falange Vasconavarraren sare sozialetako kontua salatu zuen Hala Bedik. Gasteizko laugarren instrukzio-epaitegiak emandako erantzunaren arabera, mehatxuok ez dituzte “adierazpen askatasunaren mugak gainditzen”.
“Zentsura politikoa” salatu dute OkupaTU Gasteiz Eguneko antolatzaileek, jaiaren plangintza tekniko guztia behar bezala zegoela eta baimenak iaztik onartuak zituztela arrazoituz. Gasteizko hainbat herri-eragileren urteurrenak aprobetxatuz, jai bateratua prest zuten urriaren 6rako Hala Bedi (35 urte), Gaztetxea (30 urte), Auzolana (10 urte) eta Errekaleorrek (5 urte). Hala Bedin jaso dutenez, datozen egunetan azalpen gehiago emango dituztela eta urriaren 6an OkupaTU Gasteiz Eguna... [+]
Garbiketa enpresarekin adostu nahi du Urtaranek kontratuaren etetea.
5 urtez errebeldiaren mapan lemapean bostgarren urteurrena ospatuko dute errekaleortarrek irailaren 28an eta 29an. Astebete beranduago, urteurren bateratua: OkupaTU Gasteiz.
Javier de Andres Espainiako Gobernuko EAEko ordezkariaren eskakizunez moztu zuten orduko hartan Kataluniako CUP alderdiko diputatua zen Anna Gabrielen hitzaldia. Epaitegiaren arabera, debeku horrekin biltzeko eta adierazteko eskubideak urratu ziren.
Adostasunaren alde agertu da Mendiolako Kontzejua, "betiere herritarren erabakia errespetatuz".
Olarizuko gurutzeak izaera frankista ote duen ala ez; hortxe eztabaida. Gizarte zibileko hainbat eragilek sustatuta, Francoren erregimenak egitasmoari izaera aldatu zion. Mendiolako Kontzejuko kideentzat, ordea, harago doa kontua: administrazio txikien eskumenak zalantzan daudela uste dute.
