AENAk Loiun ezarritako gutxieneko zerbitzuak “legez kontrakoak” direla ebatzi du epaitegi batek
AENAren eta Loiuko aireportuko zuzendaritzaren irakurketa "legez kontrakoa" dela esan du Bilboko lan-arloko epaitegiak, eta hala jarraitzea debekatu die. Renfeko langileek greba egin zuten atzo, eta kasu horretan ere, salatu dute "gehiegizko gutxieneko zerbitzuak inposatu" dituela enpresak.
Bilboko (Bizkaia) lan-arloko epaitegiak ebatzi du "legez kontrakoa" dela Sustapen Ministerioak Loiuko (Bizkaia) aireportuko langileek greban bete beharreko gutxieneko zerbitzuei buruz argitaratutako ebazpena. Hala, sindikatuek jarritako salaketa zela-eta, Bilboko epaitegiak astelehenean aztertu eta epaitu zuen AENAk eta aireportuko zuzendaritzak egindako irakurketa, eta legez kontrakotzat jo zuen.
ELA sindikatuak adierazi duenez, epaiak kalte-ordaina merezi duen urraketa zehatzik aipatzen ez duenarren, "argi geratu da ez dagoela Loiuko aireportuko zuzendaritzak hartutako neurriak mantentzerik; eta greba egotekotan, abiatu zein heltzen diren hegaldietan izango du eragina; izan ere, hegaldi babestuak soilik mantendu ahal izango dituzte".
Loiuko beharginek uztailaren 1ean egin zuten lehen lanuztea, eta 18 greba egun iragarri zituzten datozen hilabeteetarako. Handik egun gutxira hasi zituzten negoziaketak aireportuko langile batzordeak eta zuzendaritzak, baina momentuz, ez dago akordiorik mahai gainean, sindikatuek greba deialdi batzuk bertan behera utzi badituzte ere. Esaterako, astelehenerako lanuztera deitu zuten, baina patronalak berriro negoziaketei ekiteko eskaintza egin zienez, atzera bota zuten greba deialdia.
"Gehiegizko gutxieneko zerbitzuak"
Espainiako estatuko Renfeko langileek atzo egin zuten greba. EAEn, beharginen %75ek egin zuten bat CCOO sindikatuaren lanuzte deialdiarekin. Kasu horretan ere, sindikatuak salatu zuen "gehiegizko zerbitzu minimoak inposatu" zituela enpresak.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
