Emakume bat hil du bere senarrak Angelun
Adineko bikotea hilda aurkitu dute asteazkenean. Gertakariaren gaineko ikerketaren hipotesi nagusiaren arabera, gizonezkoak emakumezkoa hil du eta gero bere buruaz beste egin.
Asteazken arratsaldean aurkitu dituzte 89 urteko gizonaren eta 83 urteko emakumearen hilotzak, Angeluko (Lapurdi) Sainte-Marguerite kalean. Eguerdiko 14:00ak inguru jasotako telefono dei batek suhiltzaileak ohartarazi ditu, eta larrialdi zerbitzuak bertara gerturatu dira. Bertaratutakoan, hilda aurkitu dituzte senar-emazteak. Jérôme Bourrier Baionako fiskalak zein Mediabask-ek emandako informazioaren arabera, suzko armaz hil dira.
Bourrierrek gertakariaren gaineko ikerketa abiatu du, eta hipotesi nagusiaren arabera gizonak emakumea hil du lehenik, suhiltzaileei deitu die ostean, eta bere buruaz beste egin du azkenik. Hori hala izan dela ziurtatuz gero, indarkeria matxista kasua litzateke.
Urteko laugarren hilketa matxista
Angelukoa urteko laugarren hilketa matxista litzateke Berriaren indarkeria matxisten maparen arabera.
Martxoaren 11n Miren Uranga eta Paola Mendez ama-alabak hil zituen gizon batek Abanton (Bizkaia). Gizona hildakoen senarra eta aita zen.
Martxoaren 16an jazo zen hirugarren hilketa matxista, Soraluzen (Gipuzkoa). 33 urteko gizonak bere 73 urteko ama hil zuen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]