Adimen anitzak eta musika haur hezkuntzan ikasgai, besteak beste, Hik Hasiren topaketetan
Teoria eta praktika pedagogikoetan oinarrituta, hainbat gorputz espresiorekin, arlo emozionalarekin edota psikologia gaiekin lotutako ikastaroak eskainiko dituzte. Ekainaren amaieran eta uztailaren hasieran izango dira, Donostian eta Leioan.
aurre egingo dieten hedabide independenteak
Heziketa gaien inguruko teoriak eta praktikak izango dira ikastaro horien oinarri: pedagogia sistematikoa, adimen anitzak, adimen emozionala, komunikazioa, musika, artea eta gorputz espresioa, besteak beste.
53 ikastaro izango dira guztira, denak euskaraz. Donostiako EHUko Hezkuntza, Filosofia eta Antropologia fakultatean 28 ikastaro izango dira uztailaren 4tik 6ra, goizez; arratsaldeetan hezkuntza tailerrak egingo dituzte. Hik Hasik eta EHUren Hezkuntza, Filosofia eta Antropologia Fakultateak elkarlanean antolatu dituzte ikastaro horiek. Bestalde, Leioako Irakasle Eskolarekin batera antolatutako 25 ikastaro izango dira EHUren Leioako fakultatean, ekainaren 28tik 30era.
Berrikuntza ugari izango da aurten: 'Euskal mitologiaren azterbideak' eta 'Adimen anitzak eta Autoestimua' izeneko ikastaroak eskainiko dituzte, besteak beste. Virgnia Belategi Hezkuntza Integraleko adituak ere bi ikastaro eskainiko ditu: 'Mindfulness eta TDAH: arreta barrutik lantzen' eta 'Mindfulness edo arreta osoarekin irakurtzen'.
Hainbat espresio mota eta emozioen arloa lantzeko ikastaroak ere antolatu dituzte: 'Nerabeekiko lana', 'Musikaren bizipena Haur Hezkuntzan' eta 'Entrenamendu mentala eta ametsak' tailerrak, besteak beste.
Ikastaroetan matrikulatzeko epea maiatzaren 31 da. Ikastaro eskaintza osoa ikusgai dago Hik Hasiren webgunean.
Hik Hasi egitasmoa hezkuntza komunitatearen informazio, eztabaida eta elkargunerako bitartekoa da eta Euskal Hezkuntza sistema propioa aldarrikatzen du.
Hik Hasi egitasmo pedagogikoak 2024ko Udako Topaketa Pedagogikoen aurkezpen prentsaurrekoa egin du astearte goizean. Bertan parte hartu dute EHUko Hezkuntza Filosofia eta Antropologia Fakultateko dekano Beñat Amenabarrek eta Hik Hasiko formazio arduradun Mikel... [+]
Hik Hasiren Udako Topaketa Pedagogikoak aurkeztu ditugu Donostiako EHUren Hezkuntza, Filosofia eta Antropologia Fakultatean. Bertan izan dira Beñat Amenabar, EHUren Hezkuntza, Filosofia eta Antropologia Fakultateko dekanoa, Esti Amenabarro, Hezkuntza, Filosofia eta... [+]
Hik Hasi egitasmo pedagogikoak 2022ko Udako Topaketa Pedagogikoak egingo ditu Donostian uztailaren 4tik 6ra. EHUren Hezkuntza, Filosofia eta Antropologia fakultatearekin elkarlanean 31 ikastaro antolatu ditu. Ekainaren 15era arte eman ahal izango da izena.
Joxe Mari Auzmendi Hezkuntza Bekaren lehen edizioa Otxandioko eskolak jasoko du. Hernanin eman dute epaimahaiaren erabakiaren berri, hango udaleko eta Hik Hasi egitasmoko ordezkariek.
Pantailak 0-6an. Zertarako? solasaldiak antolatu ditu Hik Hasik, Haur Hezkuntzako hezitzaileentzat. Azaroaren 19an Barakaldon eta 20an Zumaian izango dira. Gaiaren inguruko hiru adituk hitzaldiak emango dituzte eta bi ikastetxetako esperientziak ezagutuko dituzte... [+]
Hik Hasik sustatu eta Hernaniko Udalak diruz lagunduta, Joxe Mari Auzmendik bere ibilbide osoan garatutako lau ildori jarraipena eman nahi die hezkuntza bekak: hobekuntza pedagogikoa, euskara eta euskal kulturaren biziberritzea, herri hezitzailea ea inklusioa.
Aurten 25. urte betetzen ditu HIK HASI egitasmo pedagogikoak, eta urteurrenarekin batera 25 ikastaro eskainiko dituzte uztailaren 5etik 7ra egingo diren Udako Topaketa Pedagogikoetan. Donostiako Hezkuntza, Filosofia eta Antropologia fakultatean izango dira topaketak eta... [+]
Julen Mendozak bere blogean argitaratutako artikulua:
Azken aldian bolo-bolo dabil hezkuntzaren inguruko debatea, eta ez dut atsegin debate hori zein terminoetan gertatzen ari den. Gotortutak, bakoitzak bereari eutsita, eta mingarriak izan daitezkeen termino eta edukiak erabiliz... [+]
Hik Hasik 25 urte bete ditu ikasturte honetan eta koronabirusaren krisiak markatuta bada ere, hezkuntzan eragiteko gogoz ospatuko dute efemeridea.
Atzo eguerdian jasotako telefono deia dabilkigu buruan, albiste tristeak hartu gintuen. Joxe Mari Auzmendi Hik Hasi-ko arima eta Azpeitiko Udalak aurrera eramandako proiektu askoren pieza garrantzitsuak utzi gintuen.
Joxe Mari Auzmendi hil da ostegun honetan, Hik Hasiko koordinatzaile ohia eta pedagogia egitasmo horren sustatzaile nagusietakoa izan zena.
"Kalitatezko hezkuntza bermatzeko zoru pedagogiko eta etikoa" argitaratu du Hik Hasi Euskal Heziketarako egitasmoak, urtebetez hainbat aditurekin batera burututako gogoetaren ondorio. Hezkuntza hobetzeko hamar gako bildu dituzte bertan eta aitzakia horrekin... [+]