Abian da Bilbon Emisio Gutxiko Eremua, ekologisten kritiken artean
Bilboko Udalak autoak gutxitu nahi ditu erdigunean, aire kutsadurak behera egin dezan. Horretarako, hainbat hiritan abian jartzen ari diren neurri bera hartu du: gehien kutsatzen duten autoei erdigunera sarrera debekatzea. Talde ekologistek neurria kritikatu dute, besteak beste “kutsu klasista” duelako.
Bilboko Udalak proba egin du. Ekainaren 15etik irailaren 15era arte Indautxu eta Abando auzoetatik pasa diren autoak kontrolatu ditu. Irailaren 16tik aurrera sarrera debekatuta dute A motako autoek. Hiru hilabete horietan ordenantza indarrean izan balitz, 1.600 autok isuna jasoko zuketen, Emisio Gutxiko Eremuan (EGE) ibiltzeagatik. Denbora tarte horretan, eremu horretan, ibili diren kotxeen %3 da zifra hori. Hiru hilabeteko tartean, A motako autoen kopuruak %60 egin du behera. B motakoentzako debekua 2025eko ekainaren 15ean hasiko da. Bilbon, %35 egin du behera mota horretako kotxe kopuruak.
A motakoak dira gasolina darabiltenak eta 2000. urtea baino lehen matrikulatutakoak edo 2006a baino lehenagoko dieselak. Hiru hilabeteko tartean, erdigunean %14 jaitsi da auto kopurua.
Espainiar Estatuak kutsatzeko ahalmenaren arabera sailkatu ditu autoak: emisiorik gabeko kotxeak, ECO zigilukoak, eta C, B eta A motakoak.
Autoa, gero eta gutxiagoren pribilegioa
Uztailean argitaratu zuen ARGIAk Sukar Horia kolektiboak sinatutako artikulua. Hartutako neurriekin ez daude ados. Onartzen dute neurri horien helburu teorikoak “kutsadura eta klima aldaketaren aurkako borroka” direla, baina azpimarratu dute mugimendu ekologistaren kritikak jaso dituela. Alde batetik, kritikatu dute auto ekologikoaren mitoa indartzen duela neurriak, hau da, kotxe batzuk garbitzat hartzen direla. Izan ere, emisiorik gabeek, ECO mailakoek eta C motakoek ez dute murrizketarik izango. Sukar Horiaren ustez, ‘auto’ eta ‘ekologiko’ kontzeptuak bateraezinak dira.
Beste alde batetik, neurriaren “kutsu klasista” kritikatu dute. Galdera hau egin dute: “Auto zahar baten jabea Bilboko zentrora garraio publikoz hurbildu ahal bada, zergatik ezin du gauza bera egin Iberdrola dorrera doan exekutibo batek?”.
Sukar Horiak autoaren erabileraren aurrean bestelako proposamenak egin ditu: garraio publikoa indartzea; autoei lekua kendu eta bizikletari eta oinezkoei eremuak handitzea; eta autoen sarbideak beharraren arabera murriztea, eta ez kotxe-gidariaren gaitasun ekonomikoaren arabera.
Ekologistak Martxanek alegazioak aurkeztu zizkion otsailean Bilboko Udalaren Emisio Gutxiko Eremuei buruzko Ordenantzari. Orduan azaldu zuen EGEak ezartzea “ideia ona” dela berotegi-efektuko gasen emisioak murrizteko. Hala ere, nabarmendu zuen politika horrekin batera ibilgailu pribatuaren erabilera murrizteko neurriak beharko liratekeela. Bilboko Udalaren proposamen zehatzari erantzunez, hainbat alegazio egin zituen mugimendu ekologistak eta haien artean EGEaren mugaketaren eta hura ezarriko den auzoetako (Abando eta Indautxu) errentaren arteko lotura argia kritikatu zuen.
Herrietan ere bai? Jaurlaritzaren
"Hiri handiek ez ezik, tamaina ertaineko udalerriek ere hartzea trafikoa baretzeko neurriak, herri bakoitzeko errealitatera egokituta”. Eusko Jaurlaritzako Mugikortasun Jasangarriaren sailburu Susana García Chuecak azaldu zuen Mugikortasun Jasangarriaren Planean proposatu dutela hori, Eusko Jaurlaritzaren datorren hamarkadarako proposamen gisa. Irailaren 11n Mugikortasun Jasangarriari buruzko Herritarren Foroa inauguratu zuten Bilbon eta han aurkeztu zuen dokumentua.
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Inguruan dituen emakume sortzaileek halakorik izateak harritu egiten du, baina berak urte askotan izan du iruzurtiaren sindromea. Irauteak erakutsi dio, ordea, gauza asko ondo ere egin dituela. 2021ean Espainiako Estatuko Goya saria irabazi zuen
Maite Arroitajauregirekin... [+]
Jendetza elkartu da Bilboko Casillatik abiatu den manifestazioan, Nazioa gara aldarrikatzeko. Buruan, EH Bilduko Mahai Politikoko kideak joan dira, eta atzeraxeagotik jarraitu diote ERC, BNG, CUP, Compromis eta Mes Per Mallorca alderdietako kideek. Ikurrinak, Nafarroako ikurrak... [+]
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Duela bost urte Bilboko Atxuri auzoan Voxen diskurtsoaren aurka mobilizatu ziren bederatzi gazte epaituko dituzte. Goizean bildu dira Bilboko Probintzia Auzitegiaren aurrean zenbait kide, akusatuen absoluzioa eskatzeko eta faxismoaren gorakada salatzeko.
"Nazio gisa eskubideak aldarrikatu eta herri oso bat martxan irudikatzeko" deitu dute 2025eko ekainean Bilbon egingo den mobilizazioa. Euskal Herri libre eta kohesionatu bat osatzeko "denen artean eta elkar lagunduz" lan egin behar dela berretsi du... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
GUKA Bilboko euskaltzaleen mugimenduak euskararen aldeko ekintza esanguratsua burutu du astearte arratsaldean Deustuko metro geltokian, Bilbon euskaraz bizitzeko oztopoak eta aukerak irudikatzeko.
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Latinoamerikako hainbat herri-eragiletako hamabost bat kide izango dira Bizkaia Aretoan azaroaren 14an eta 15ean Latinoamerikako Multinazionalen Behatokia OMAL-ek antolatutako topaketetan. Ekintza guztiak trantsizio ekosozialarekin lotutako alderdi desberdinak lantzen dituzten... [+]
Komunikazioa, kirola, musika edo sukaldaritza bezalako esparruetan aritzeagatik ezagunak diren Euskal Herriko txoko guztietako euskaldunekin osatu dute Euskaraldiaren enbaxadore taldea.
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Bilboko kaleak bete zituen mobilizaziotik urtebetera, auzitegiek euskararen normalizazioa eta hizkuntza eskubideak gutxiesten jarraitu dutela salatu du Euskalgintzaren Kontseiluak. Auzia gainditzeko euskararen "normalizazioa eta biziberritzea" ezinbestekoak direla... [+]
Jokoteknia Bideojokoen Euskal Jardunaldiaren zazpigarren edizioa azaroaren 9an (larunbata) egingo da Bilbon, Euskararen Etxean, 09:45etik 13:00etara. Jokoteknia jardunaldietan euskal bideojokogintza industriako aditu eta jokalariak batera jarri ohi... [+]