%97,7 jaitsi da Espainiako Estatua ekainean bisitatu duten turisten kopurua
Udako turismoaren denboraldi hasieran 8.830.000 bisitari izan ziren Espainiako Estatuan 2019an, aurten aldiz jaitsiera oso handia izan da: 204.926 turista. Horren ondorioz, sektorearen diru-sarrerak %98,6 jaitsi dira.
Espainiako Estatuko turisten kopurua %97,7 jaitsi zen ekainean, 2019ko datuekin alderatuta. Iaz 8,83 milioi bisitari izan ziren, eta aurten 204.926 baino ez. Horrek diru-sarreretan % 98,6ko jaitsiera eragin du: 2019ko ekainean 9.696 milioi euro ordaindu zituzten bitartean, aurten 133 milioi euro baino ez ditu bildu. Espainiako Estatistikako Institutu Nazionalak (INE) zabaldu ditu datuok.
Turisten jatorriari dagokionez, Frantziako Estatua izan da nagusi: 64.895 lagun, kopuru osoaren % 31,7. Hori, ordea, iazko ekainarekin alderatuz gero, %93,2ko beherakada da. Ondotik dira Alemania (% 16,5), Herbehereak (% 6), Italia (% 5,1) eta Erresuma Batua (%4,1). Turista bakoitzeko batez besteko gastua 651 eurokoa izan zen, % 40,6 txikiagoa. Eguneko batez besteko gastua, berriz, %30,4 jaitsi zen, 114 euroraino.
Autonomia erkidegoen arabera banatuta, Espainiako Estatutik kanpoko turistek Katalunia (% 37,4), Valentzia (%15,4), Balear Uharteak (% 13,8), Madril (% 10) eta Andaluzia ( % 6.9) lehenetsi zituzten ekainean. Urtarrila eta ekaina bitartean, nazioarteko turisten kopurua % 71,7 jaitsi zen, 10,8 milioi pertsona. Lehen seihileko horretan, kanpoko bisitarien gastua % 70,6 jaitsi zen 2019ko datuekin alderatuta: 11.840 milioi euro 2020an, 40.380 milioi 2019an.
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Bericato enpresak erosi du duela 70 urte baino gehiagoz Bilboko Portuko Agintaritzaren egoitza izan den eraikina.
Iruñeko Alde Zaharreko Alde Zahar ekimenak turismo masiboaren aurkako eta auzoaren defentsarako kanpaina abiatu du ostegun honetan.
Bizilagunek legez kanpo utzi dute Donostiako Zubieta kaleko etxebizitza turistiko bat, euren estatutuetan erabilera hori debekatuta zegoelako aurretik.