790 milioi euroko aurrekontua izango du Jaurlaritzako Segurtasun Sailak 2024an, aurrekoan baino %5,9 gehiago
Azken hiru urteetan %13,7 igo da Eusko Jaurlaritzaren segurtasun-aurrekontua. Datorren urterako igoera 44 milioi eurokoa izango da.
Pasa den azaroaren 6an, Euskal Autonomia Erkidegoko Segurtasun Sailak 2024an izango duen aurrekontua aurkeztu zuten Eusko Legebiltzarrean. Josu Erkoreka (EAJ) sailburuaren hitzetan, 790.157.000 euro bideratuko dituzte Segurtasun Sailera datorren urtean, alegia, aurten baino %5,9 gehiago.
Zifra absolutuetan, 43.829.000 euro gehiago izanen ditu Sailak. Azken urteetako bilakaerari erreparatuta eta 2024ko datuak barne hartuta, 2021etik, %13,7 handitu da Segurtasun Sailaren aurrekontu orokorra, %4,8 2022an eta %3, berriz, 2023an.
Aurrekontuetako igoera hori zertara bideratuko den ere zehazten da, eta honakoak dira gasturik nabarmenenak: 24,1 milioi euro soldata-gastuak finantzatzeko izanen dira. 22,5 milioi Poliziarentzako ibilgailu hibridoak erosteko eta Ertzaintzaren eraikinak "energetikoki efizienteagoak" izan daitezen erabiliko dituzte. Gasturik handiena, 41,4 milioi eurokoa, hain zuzen ere, Ertzaintzaren eta 112 larrialdi-zerbitzuen "eraldaketa digitalera" bideratuko dira, "azpiegitura teknologiko eta zerbitzuen kudeaketa optimizatzeko" helburuarekin.
Beste pare bat milioi euro sortu berria den Euskadiko Zibersegurtasun Agentzia hornitzeko gastatuko dituzte, Ertzaintzarekin elkarlanean, "ziberdelituak" jarraitzeko xedearekin. Bestalde, 11 milioi euro erabiliko dituzte Eusko Legebiltzarra hautatzeko 2024an izango diren hauteskundeetan. Arkauteko Akademiari dagokionez, datorren urterako aurrekontua 19.835.000 eurokoa izanen da.
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]