2020ko maiatzaren 25a
Gose grebak eragin dizkien osasun kalteak direla eta, 76 preso palestinar eraman dituzte ospitalera, Atxilotuen eta Atxilotu ohien Batzordeak asteartean jakinarazi duenez.
31 egun daramatzate gose greban 1.600 bat preso palestinarrek. Presoen baldintzak hobetzeko ekin diote protestari, baina Israelgo agintariek, ordea, grebara batu diren presoak kartzelaz aldatu ditu, arropak eta ondasunak konfiskatu eta abokatuen bisitak oztopatu dizkiete eta grebaren bultzatzaile nagusiak isolatu dituzte.
Al-Fatahko kide eta grebaren bultzatzailetako bat Marwan Barghoutik iragarri du ura edateari utziko diola; orain arte ur gatzatua edatera mugatu da.
Gose-grebak aurrera egin ahala tentsioa ere haziz doa kalean. Greban ari diren presoekiko elkartasuna adierazteko mobilizazio ugari egin dituzte munduko txoko askotan, eta palestinarren eta Israelgo segurtasun indarren arteko talkak ere hedatzen ari dira.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
