70.000 euskaltzalek olatu euskarafoboa salatu dute Bilboko kaleetan
Euskalgintzaren Kontseiluak deitutako manifestazioan 70.000 pertsona inguru elkartu dira Bilbon. Kontseiluak akordio soziopolitikoa eskatu du, euskararen aurkako oldarraldi judizialari hesia jartzeko eta etorkizunera begirako hizkuntza politikak bideratu ahal izateko.
aurre egingo dieten hedabide independenteak
Ertzaintzak emandako datuen arabera, 70.000 manifestari bildu dira Bilboko kaleetan. Euskaltzaleek olatu euskarafoboaren aurrean kezka eta haserrea agertu dute, Oldarraldiaren aurrean, euskararekin bat, euskaraz bat lelopean egin den manifestazioan. 17:00ak pasatxoan abiatu da manifestazioa Euskalduna Jauregitik eta azken manifestariak 18:00etan hasi dira ibiltzen. Euskararen alde egindako mobilizaziorik handienetakoa izan da. Ibilbidean zehar txistularien eta gaita-jotzaileen doinuek alaitu dituzte milaka manifestariak. Norbanakoez gain, alderdi politiko, sindikatu, herri mugimendu eta gizarte eragile ugarik egin du bat manifestazioarekin.
“Oldarraldiaren aurrean, euskararekin bat, euskaraz bat”. Manifestazio nazionala Bilbon#EuskararekinBat #Euskara @kontseilua pic.twitter.com/6AclOTL9u9
— Carles (@chmasia) November 4, 2023
Ordezkari politiko eta sindikalak
Alderdi politiko eta erakunde publikoetatik, besteak beste, hauek izan dira Bilbon. Erakundeetatik: Bakartxo Tejeria, Unai Hualde, Eider Mendoza, Ramiro Gonzalez, Leixuri Arrizabalaga, Esther Apraiz, Juan Mari Aburto, Eneko Goia, Beatriz Artolazabal, Unai Urruzuno, Idurre Bideguren, Sonia Jacinto, Iker Casanova, Juankar Izagirre eta Adolfo Araiz. EAJtik: Itxaso Atutxa eta Joseba Egibar. EH Bildutik: Pello Otxandiano, Nerea Kortajarena, Eba Blanco eta Maddalen Iriarte. Sumarretik: Lander Martinez eta Andeka Larrea. Geroa Baitik: María Solana eta Jabi Arakama. EH Baitik: Paulo Arzelus Aramendi eta Mikel Irastorza Artola.
Ondoko sindikatuetako ordezkariak izan dira: ELA, LAB, ESK, STEILAS, EHNE, Etxalde, Hiru eta Lanartea. Euskal Herritik kanpo, katalanaren, galizieraren, asturieraren eta aragoieraren aldeko mugimenduetako ordezkariak ere Bilbora etorri dira euskararen aldeko manifestazioari babesa ematera.
Manifestazioaren burua udaletxera heldu denean, Oskorriren Euskal Herrian euskaraz entzun da bozgorailuetatik, eta ondoren, Ruper Ordorikak milaka manifestariren aurrean kantatu du Zaindu maite duzun hori abestia. Segidan, Idurre Eskisabel Kontseiluko idazkari nagusiak hitzartzea egin du.
Akordio soziopolitiko berri bat
Eskisabelek akordio soziopolitiko berri baten beharra azpimarratu du, oldarraldiari eusteaz gain, etorkizuneko erronkei aurre egin ahal izateko: “Euskalgintzaren Kontseiluak ezinbestekoa ikusten du akordio soziopolitiko berri bat, oldarraldiaren aurrean hesia jarriko duena ez ezik, euskarak eta euskararen komunitateak etorkizuneko erronkei aurre egiteko moduko zorua eratuko duten hizkuntza politikak bideratuko dituena. Olatu erreakzionarioari eutsiko diona ez ezik, aurrera jauzi egin eta euskararen biziberritzeak egun dituen erronkei erantzuteko moduko itun politiko eta soziala”. Agintari politikoei egin die dei batik bat: “Bereziki dei egiten diegu erakunde eta indar politikoei akordio berri horren parte eta bultzatzaile izan daitezen, sen onez, etorkizun oparo bat bermatzea helburu hartuta”.
Kontseiluko idazkari nagusiak egoeraren larriaz hitz egin du. Azaldu du nola ari den botere judiziala hizkuntza politika egiten, eta epaitik epaira kezka eta larritasuna areagotuz doazela: “Ari gara, larritasunaren zenbatekoa azaltzeko hitzik gabe geratzen”. Oldarraldiak “justizia sozialean, gizarte kohesioan eta bizikidetzan atzera egitea” esan nahi duela azaldu du.
Jauzi baten beharra
Globalizazioaren aurrean, bizimodu digitalizatuan eta hizkuntza nagusiak gero eta nagusiagoak diren mundu honetan, euskarak erronka izugarriak dituela aitortu du Eskisabelek, eta ezinbestekotzat jo du hizkuntza politiketan jauzi bat egitea etorkizuneko erronka horiei guztiei behar bezala aurre egiteko: “Jauzi bat behar da hezkuntzan, helduen euskalduntze-alfabetatzean, ikus-entzunezko eta kultur ekoizpenerako baliabideetan, eremu sozio-ekonomikoaren lanketan, euskal herritar berriei behar bezalako hizkuntz harrera egiteko baliabideetan…”.
Hesia zubi
Oldarraldiari eusteko hesi moduan deskribatu du Eskisabelek manifestazioa, baina “harago joateko garaia” dela esanez bukatu du hitzartzea: “Aurre egitetik aurrera egitera. Beraz, hesi baten ordez, hau izan dadila zubi bat etorkizunera”.
Kontrapas abestiarekin amaitu da manifestazioa, Euskara, jalgi hadi plazara! kantatuz, oraindik jende andana udaletxeko zubira iritsi gabe zegoela.
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]