2021eko apirilaren 20a
“Gasteiz berri, jator, integratzaile, zabal eta kultur aniztasun zein elkartasunean oinarriturikoa irudikatu nahi ditut”, adierazi du Lekuek baimenak eskatzera joan aurretik.
Bestelako hiriaren alde
Bere ustez Gasteiz “green izatetik erabat grisa izatera igaro da”. Artistak salatu du hirian sufritzen ari den “dekadentzia kulturala”, sortzaileentzat laguntzarik ez egotea apenas eta Krea zentroak itxita jarraitzea.
“Artea, betidanik, gehiegikeriak salatzeko tresna izan da. Horregatik artea erabiliko dut bestelako Gasteiz bat aldarrikatzeko”, esplikatu du artistak.
Javier Maroto alkatearen kutsu xenofoboko adierazpenek ere izango dute zerikusirik kulturen arteko elkarrizketa sustatu nahi duen ekintza martxan jartzerakoan.
Parte hartu nahi?
Andra Mari Zuriaren plazan egingo den instalaziorako 20 boluntario behar dituela ere aurreratu du Lekuek. Parte hartu nahi duenak bere e-posta helbidera idatzi dezake.
Instalazioa burututa, erabilitako oinetakoak GKE bati emango zaizkio, oinetakoak behar dituztenek eskura izan ditzaten.
Hiriko 20 puntutara eraman daitezke oinetakoak: San Martin auzo elkartea, CCOO, IKA euskaltegiak (3), Zabalgana Batuz, HIESaren aurkako batzordea, Gasteiztxiki, AEK euskaltegiak (3), CEAR, Ai laket!! Elkartea, Oihaneder Euskaren Etxea, Hala Bedi Irratia, Artium Museoa, ELA, IMVG (10:00etatik 14:00etara), LAB, ESK eta STEE- EILAS.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
