'5ak Gasteizen. Elkartasunez blai!' dinamika sortu dute 11-13 makroepaiketaren aurka "bustitzeko"

  • Auzipetuak maitasunez “ito”, makroepaiketak “urperatu” eta presoen aldeko borroka “freskatu” nahi du ekimenak. Gasteiztarrei “bustitzeko” proposamenak luzatu dizkiete, Gasteizko irailaren 7ko eta irailaren 14ko manifestazio nazionala azpimarratuz.


2019ko uztailaren 04an - 13:48
Agerraldia Gasteizko Bollerias plazan. Argazkia: 5ak Gasteizen. Elkartasunez blai!

Asteak dira batzar irekian 150 pertsona inguru bildu eta lanean hasi zirela. Baina gaur aurkeztu dira publikoki prentsa agerraldi jendetsu batean. Euskal Herriko beste hamaika herri eta auzotan bezala, Gasteizen ere antolatu egin dira 11-13 sumarioko makroepaiketaren aurrean.

Auzipetutako 47 lagunak eta makroepaiketaren datu orokorrak aletuz hasi dute agerraldia ekimenaren bozeramaileek. Adierazi dute Herrira, Jaiki Hadi, EPPKren Bitartekaritza Taldea, Etxerat eta abokatuak preso eta iheslarien eskubideen alde eta bake justu baten alde lan egiten zutela. “Zortzi eta hogei urte eta erdi arteko espetxe zigorrak eskatzen ditu estatuak, 601 urte denera. Hiru hilabetez luzatuko den epaiketak 340.000 euroko gastuak ekarriko dizkiete auzipetuei. Marka da gero”, esan dute.

Auzipetuetako bost gasteiztarrak dira: Ane Zelaia, Nagore Lopez de Luzuriaga, Gorka Gonzalez, Egoitz Lopez de la Calle eta Izaskun Abaigar. “Ez gaude prest gure herrikideak bidegabekeria honen aurrean bakarrik uzteko”, adierazi dute.

Babesa ematen dutenak babestu

Ekimen gasteiztarraren irudiko, “jendartean justizia eta babesgabe daudenen eskubideak defendatzea garrantzitsua bada, hori egiteagatik zigortuak direnak babestea ariketa demokratiko ezinbestekoa da”. Elkartasuna praktikatu zutenen inguruan elkartasuna antolatzea dute helburu.

Horretarako sortu dute 5ak Gasteizen, elkartasunez blai! Mòjate kopon! ekimena. “Gasteizko bazterrak elkartasunez eta konpromisoz blaituko ditugu. Ane, Nagore, Gorka, Egoitz eta Izaskun maitasunez bustitzeko; makroepaiketak betiko urperatzeko; konponbidearen eta preso eta iheslarien eskubideen aldeko borroka freskatu eta indartzeko”.

Bustitzeko deia

Bostak Gasteizen ekimenaren bozeramaileak gasteiztarrei informazioa eman, atxikimenduak eskatu eta epaiketaren gastuei aurre egiteko dirua bilduko dutela adierazi dute. Hurrengo hilabeteetako hitzordu garrantzitsuenak ere jakinarazi dituzte. Uztailaren 27an “Txapuzoi eguna” antolatu dute Landako urtegian, abuztuaren 5ean ekitaldia egingo dute Gasteizko Txosna gunean, eta irailaren 2a eta 6a artean “elkartasun astea” ari dira antolatzen. Bi deialdi azpimarratuz amaitu dute agerraldia: “Irailaren 7an hilabeteotan landuko dugunaren emaitza jaso nahi dugu mobilizazio masibo batean, elkartasun uholdea sortuz Gasteizen. Irailaren 14an, nazio mailako manifestaldia dago deituta, epaiketa hasi baino bi egun lehenago”.


Kanal honetatik interesatuko zaizu: 11-13 sumarioa
Zulueta eta Enparantza otsailaren 11n aterako dira espetxetik, aurreikusitakoa baino lehen

Martxoaren 1ean ziren ateratzekoak, baina ia hiru aste lehenago geratuko dira aske. Arantza Zulueta Valentziako Picassent espetxean dago egun; Jon Enparantza, berriz, Estremerako kartzelan (Madril).


Zulueta eta Enparantzaren espetxeratzeak salatzeko mobilizazioak deitu dituzte asteazkenean

11/13 makroepaiketako Arantxa Zulueta eta Jon Enparantza auzipetuen espetxeratzeak salatuko dituzte asteazkenean Bilbon, Donostian eta Lekeition deitu dituen mobilizazioetan.


2019-10-01 | ARGIA
Zaballan aurkeztu dira Zulueta eta Enparantza, indarrean duten espetxe zigorra betetzeko

11/13 auzibidean epaileek jarritako zigorrari hasiera eman diote astelehenean. 47ak Herrian plataformak elkarretaratzeak deitu ditu asteazkenean.


2019-09-20 | Z. Oleaga
Ibon Meñika Orue-Etxebarria (11/13 makroepaiketako auzipetua):
"Auzitegi Nazionalak ez du inoiz euskal herritarron antolakuntzaren eta borrokaren zilegitasuna epaituko"

11/13 makroepaiketan, 47 auzipetuetako bat da Ibon Meñika bizkaitarra, eta hilabeteotan auzipetuen bozeramaileetako bat izan da. 2013an atxilotu zuten Herrira elkarteko beste zenbait kiderekin batera, eta sei urteren ostean eseri zen Espainiako Auzitegi Nazionaleko... [+]


2019-09-16 | Z. Oleaga
JARRAIPENA | Akordioa egin ostean, preso eta iheslarien gaia lehen lerroan jartzeko eskatu dute 11/13ko auzipetuek

Astelehen honetako 10:00etan hasi da 47 euskal herritarren aurkako ahozko auzia, baina berehala adierazi dute aldeen arteko akordioa zegoela eta epaiketa eten da.


Eguneraketa berriak daude