Zulueta eta Enparantza otsailaren 11n aterako dira espetxetik, aurreikusitakoa baino lehen
Martxoaren 1ean ziren ateratzekoak, baina ia hiru aste lehenago geratuko dira aske. Arantza Zulueta Valentziako Picassent espetxean dago egun; Jon Enparantza, berriz, Estremerako kartzelan (Madril).
Berriak jakitera eman duenez, Arantza Zulueta eta Jon Enparantza otsailaren 11n aske geratuko dira. Hedabidearen arabera, atxiloaldian pasatutako egunengatik, bere garaian pasaportea kendu zietelako eta behin-behinean libre egondakoan sinatzera joandako egunengatik erabaki du Espetxeetako Erakundeak hogei eguneko murrizketa (martxoaren 1ean ziren ateratzekoak).
11/13 sumarioan espetxe zigorrak jaso zituzten bi euskal presoek, eta biak ari dira bost hilabeteko zigorra betetzen. Zaballako espetxean (Araba) egin zituzten lehen hilabeteak, baina Zulueta azaroaren erdialdera Valentziako Picassent espetxera mugiarazi zuten; Enparantza, berriz, urri amaieran urrundu zuten Madrilera, Estremerako espetxera. Arantza Zuluetaren kasuan, senideek salatu zuten lau egunez euskal presoaren berririk gabe egon zirela.
11/13 makroepaiketako Arantxa Zulueta eta Jon Enparantza auzipetuen espetxeratzeak salatuko dituzte asteazkenean Bilbon, Donostian eta Lekeition deitu dituen mobilizazioetan.
11/13 auzibidean epaileek jarritako zigorrari hasiera eman diote astelehenean. 47ak Herrian plataformak elkarretaratzeak deitu ditu asteazkenean.
11/13 makroepaiketan, 47 auzipetuetako bat da Ibon Meñika bizkaitarra, eta hilabeteotan auzipetuen bozeramaileetako bat izan da. 2013an atxilotu zuten Herrira elkarteko beste zenbait kiderekin batera, eta sei urteren ostean eseri zen Espainiako Auzitegi Nazionaleko... [+]
Astelehen honetako 10:00etan hasi da 47 euskal herritarren aurkako ahozko auzia, baina berehala adierazi dute aldeen arteko akordioa zegoela eta epaiketa eten da.
Irten aurretik, larunbateko manifestazio jendetsuan jasotako babesa eskertu dute auzipetuek. Epaiketara soluzioen aldeko mezuarekin doazela adierazi dute, presoen alorrean zein “konponbidearekin lotutako afera ezberdinetan”. 601 espetxe urteko zigorra eskatzen diete... [+]