580.000 euro, iazkoaren bikoitza, komunikabideetan euskararen erabilera sustatzeko
Idatzizko komunikabideetan, irratietan eta Nafarroan zabaltzen diren online komunikabideetan euskararen erabilera sustatzeko laguntzetarako deia irekia ekainaren 12ra arte.
Herritarrekiko eta Erakundeekiko Harremanetako kontseilariak komunikabideetan euskara erabiltzeko laguntza-deialdia onetsi du. Guztira, 580.000 euroko aurrekontua izango dute eta oinarriak gaur, asteartea, argitaratuko dira Nafarroako Aldizkari Ofizialean.
Aurtengo deialdia Nafarroako Parlamentuak komunikabideetan euskararen erabilera sustatzeko 2017. urteko Nafarroako Aurrekontu Orokorren barruan onetsitako laguntza-partida baten bidez finantzatuko da.
Laguntza eskatzeko epea bihar hasiko da, maiatzak 24, eta ekainaren 12an amaituko da, ekainaren 12a barne.
Deialdi honekin, Gobernuak Euskarari buruzko Foru Legea beteko du, izan ere, Nafarroako Administrazio Publikoei komunikabideetan euskara pixkanaka gero eta gehiago erabiltzea eskatzen die. Konpromiso hori, 2016-2019 Euskararen Plan Estrategikoan ere jasotzen da. Plan horretan, komunikabideetan eskaintza handitzeko beharra ezartzen da, gizarteak euskarazko informazio gehiago izan dezan, ezinbestekoa baita euskaldunentzat hizkuntza gizarte-esparru guztietan erabiltzeko aukera izatea.
Aurreko deialdietan lortutako esperientzia ikusita, zazpi modalitate bereizten dira, jarduera-esparru desberdinak finkatzeko:
1.- Euskarazko eguneroko prentsa (egunkariak): 50.000 euro arte.
2.- Euskara erabiltzen duen eguneroko prentsa (egunkariak), 60.000 euro arte.
3.- Euskaraz osorik dauden bertako egunkariak: 240.000 euro arte.
4.- Hizkuntza-eremu mistoetan edota Nafarroako eremu ez euskaldunetan zabaltzen diren eta euskara erabiltzen duten bertako aldizkariak
5.- Euskaraz osorik ematen diren irratiak: 140.000 euro arte.
6.- Euskara erabiltzen duten eremu mistoko, eremu ez euskalduneko edo bi eremuetako irratiak: 20.000 euro arte.
7.- Euskarazko online komunikabideak edo euskara erabiltzen dutenak: 30.000 euro arte.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]